Í fréttum er þetta helst....

Færslur: 2014 Janúar

13.01.2014 13:05

Nýtt ár :)


Jæja hvað segið þið mín kæru sem þetta lesið ... nokkuð orðin óþolinmóð á fréttum..... spurning um að fara að hætta þessu ..... kannski maður nenni þessu ekki lengur eða aldrei neitt að frétta eða alltof mikið að gera ..... en allavega gleðilegt nýtt ár og takk fyrir þau gömlu.

Ég afrekaði að prjóna og klára (í nóv) peysu á Sigurgeir, byrjaði á henni í Danmerkurferðinni..... var lengi að koma mér í að setja rennilásinn í hana þar sem ég hef ekki gert það nema 1x áður, þ.e. að setja rennilás í peysu en það tókst og Sigurgeir himinsæll með hana.




Desember einkenndist af kindum og hrútum...... og unglingum í ökupróf þar sem þeir voru komnir heim í jólafrí, þetta var eiginlega allt í sömu vikunni. Gekk samt allt rosalega vel.

Var með alveg óhemjumiklar hugmyndir um að láta sæða þriðjunginn af fénu en þegar ég fór á mánudagsmorgni 16. des þá voru heilar 3 að ganga. Ég fékk næstum því taugaáfall en þar sem hún Móra mín var nú fyrsta kindin sem hrúturinn fann þá var ég nú nokkuð ánægð.


Daginn eftir eða 17. des voru sæddar 10 svo í  heildina voru þetta heilar 13 kindur. Setti hrútana svo í 20. desember.


Ég og strákarnir brunuðum svo á Akureyri 21 og jóluðumst svolítið og það var voðalega notalegt.
Jólatrésleiðangur var að venju farinn í Gunnfríðarstaðaskóg, ótrúlega notalegt og gaman að fara þann leiðangur, alltaf gott veður þar og mikil friðsæld.





og það var skreytt auðvitað :)




Svo komu jólin auðvitað eins og gengur, við höfðum það svo notalegt, kósý og spiluðum Monopoly allan daginn og borðuðum og sváfum rest.



Veðrið var ekki uppá það besta og spáin á Þorláksmessu var þannig að við myndum ekki komast í húsin fyrr en í fyrsta lagi á annan í jólum, við Sigurgeir ákváðum að gefa fénu svo mikið að við myndum ekki þurfa að koma aftur fyrr en á annan í jólum. Bárum 2 rúllur í garðana og þeir voru troðfullir. Sem betur fer var veðrið sæmilegt á jóladag svo ég skrapp frameftir og viti menn þær voru bara búnar með heyið blessaðar svo þá var bara að moka meira í þær.

Við tókum hrossin inn 29. des. þ.e. við tókum þau sem voru uppí Kúagirðinu. Þar var graðhestur búinn að heimsækja hólfið og lét ég því sónarskoða merarnar en það var sem betur fer engin með fyli. Sætti lagi 5. jan.  og sótti Háfeta og Gígju í Þingeyrar og fór með fyrstu 4 hrossin mín í Syðri-Brekku þar sem þau verða á beit fram á vor. Fyrstar til að mæta þangað voru Hátíð og Fagrajörp, þær verða ekki inni í vetur frekar en Gustur og Hugrún. Bara úti að bíta gras.



Þar sem ég seldi hesthúsið sl. haust verða bara fá hross inni í vetur en þau sem verða inni eru Háfeti, Gígja, Gletta og svo kemur Tígull hans Sigurgeir inn seinnipartinn.

Hér eru þær systur Gígja Gammsdóttir og Gletta Álfasteinsdóttir.



og Háfeti fékk snyrtingu hjá Kristjáni.
 



  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar