Í fréttum er þetta helst....

Færslur: 2013 Júlí

24.07.2013 17:11

Sumarið er tíminn


Já já sumarið er tíminn minn á rúntinum :) og ég er búin að rúnta í allt sumar :) sem er auðvitað bara gaman...... reyni samt að eiga helgarnar fríar :)

Júní leið hjá, ótrúlega margt sem við afrekuðum í júní. Helmingurinn af því er í færslu síðan 17. júní.

Eftir Neistamótið og kvennareiðtúrinn var komið að Smábæjarleikunum en þeir voru helgina á eftir.
Held þetta hafi verið 10. árið sem þeir eru haldnir og magnað hvað fólk heldur það út að sjá um þetta ár eftir ár eftir ár. Kærar þakkir fyrir það.
Ekki að ég sé fótbolta-fan og mun aldrei verða og er ekki að elta fótboltamót hingað og þangað allt sumarið en get alveg séð að þetta er mikil vinna og fólk uppá velli í margar vikur fyrir mót að gera vellina klára + allt annað sem þarf að gera. Ótrúlega mikil vinna sem fólk er búið að leggja á sig til að halda þetta mót. Persónulega finnst mér betra að láta ekki aðra segja mér hvar og hvenær ég á að vera hér eða þar en Bjartmari finnst gaman í fótbolta og tekur auðvitað þátt í þessu móti þar sem það er á svæðinu og hann ætlar líka á Króksmótið og við förum þangað með hann enda stutt að fara.
Myndir af Smábæjarleikunum.










Ég var búin að ákveða að fara austur í Sand í sumar og var eiginlega búin að sjá júlí fyrir mér í þeim efnum. Hringdi í Dæju og spurðist fyrir um íbúðina en þá var hún í útleigu allan júlímánuð og engin helgi laus nema síðasta helgin í júní. Ég hringdi í mömmu og sagði henni að drífa sig norður því við værum að fara í Sand 27. júní sem við og gerðum. Bjarmar kom með okkur. Sigurgeir fór í Miðhús 1. júní og hefur ekki sést síðan.... eða þannig.
Við áttum dásamlega, frábæra, geggjaða daga á Sandi...
Sáum himbrima fastan í neti og Óli reri eftir honum og þau losuðu hann úr netinu.... svakalega fallegur fugl.



Við fórum að leiði ömmu og afa, nýr steinn kominn á leiðið. Mjög látlaus og fallegur eins og þau tvö voru.


Siggi og Bjartmar að leita að æðarkolluhreiðrum... þeir fundu nokkur :)



Fundum marga unga, hér er Bjartmar með hrossagauksunga....


Við mamma fórum í skógræktargirðinguna......


Fallegt á kvöldin við Kisann.....



Þau á Hraunkoti voru búin að fá sér hestvagn og komu og tóku krakkana á rúntinn :)


Auðvitað hefðum við ekki lent í öllum þessum ævintýrum nema af því að heimilsfólkið á þessum bæjum er frábært og virðist óþreytandi að druslast með okkur bæjarplebbana með sér út um allt. Endalausar þakkir til ykkar elsku Óli, Siggi og Fía.
Ómetanlegt að eiga aðgang að paradís á jörð.



Nú júlí skall á með hraði og 7. júlí skuppum við til Hvammstanga og hér kemur frábær saga um mömmu.
Stína vinkona mín býr á Hvammstanga ásamt manni sínum Hilmari. Í fyrra hitti ég þau og þá fóru þau að tala um einhver málverk sem mamma hafði gert þegar hún bjó og kenndi á Hvammstanga 1956 eða 1957 (man það ekki þó hún sé búin að segja mér það 100 sinnum) en þá bjó hún hjá foreldrum Hilmars. Þá hafði pabbi hans ákveðið að mála stigaganginn og ganginn í húsinu og bað mömmu um að teikna eitthvað blóm fyrir sig. Hún gerði það, hann gerði skapalón af blóminu og málaði svo blómið á vegginn, allan ganginn. Það merkilega við þetta allt saman er að þessi blóm eru ennþá á veggnum og það hefur aldrei verið málað yfir þau. Fjölskylda Hilmars á ennþá húsið og ákvað að halda þessum blómum.
Ég fór því með mömmu vestur til að sýna henni þessi listaverk eftir hana og það var alveg frábært. Stína var því miður ekki heima þannig að við ruddumst inná fjölskylduna sem var í húsinu sem sýndi okkur blómin. Alveg ótrúlegt og gaman.







13. ágúst ákváðum við í hádeginu að fara í okkar árlegu hestaferð fram í Miðhús. Tókum ALLA hestana nema Háfeta og Gígju þar sem þau eru járnalaus og ekki hægt að hafa Háfeta og Tind saman þar sem þeir þola ekki hvorn annan.
Sigurgeir fékk "frí" og kom með okkur. Fórum alla leið fram í Miðhús, en auðvitað var það aðeins of langt fyrir okkur í einum áfanga en hestarnir eru þar enn og éta sig feita :)












14. júlí fórum við Bjartmar í Þórdísarlundinn og uppá Þórdísarhólinn





og fórum að skoða hrafnshreiðrið sem er enn á sínum stað.... það var þarna líka þegar ég var krakki..... spurning um hvort einhver hrafn verpir þarna ennþá....



og svo var það afmælið 10 ár síðan yngri gullmolinn minn var skorinn úr mér og verið mér endalaus gleðigjafi síðan :)  Alltaf kátur og finnur sér alltaf eitthvað áhugavert að gera.



Það var fjör í garðinum, mikill byssuleikur í gangi ...



auðvitað var kaka....


og þessi krúttkall, Ísak Hrafn, kom í heimsókn og þótti nú ekki leiðinlegt að sjá og leika sér með legóið hans Bjartmars, fékk svo legó með sér heim, þ.e. stóra kubba og vörubíl.... ekki leiðinlegt :)



og hér eru þau uppáhalds :)




  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar