Í fréttum er þetta helst....

Færslur: 2013 Júní

17.06.2013 21:44

Svoooooo margt......


Sennilega er þetta að verða spurning um mánaðarfréttir ennnnnn þar sem Neistastúss er að mestu gengið yfir þá kannski gef ég mér meiri tíma í annað t.d. útreiðar á mínum hestum sem eru alltof margir.

Já síðan síðast....... hvað man ég, það er alveg síðan í maí....... ;)

Einhverra hluta vegna hafði ég áhyggjur af lokaprófunum hans Sigurgeirs því mér fannst hann bara ekkert læra fyrir þessi próf sem voru í vor.... svona miðað við hvernig ég lærði fyrir próf í "den".... Hann fór í fyrstu prófin föstudaginn 17. maí en þá í vikunni fengum við að vita að þau sem áttu að taka Grunnstig í hljóðfæraleik áttu að mæta þennan föstudag í próf á Akureyri. Þannig að það var lært fyrir stærðfræði, dönsku og saxafón allt í einni lotu ;) Allt gekk þetta nú vel og þau voru 3 sem fóru norður, sögðu víst ekki mikið á leiðinni en töluðu heldur meira á leiðinni heim enda gekk þeim öllum vel.

Laugardaginn 18. voru svo Skólaslit Tónlistarskólans og þar léku allir nemendur skólans sem tóku próf og krakkarnir í 10. bekk (þau sem voru í tónlistarnámi). Aldeilis flott og gaman.
Skarphéðinn og krakkar úr 10. bekk Blönduskóla og Skagastrandar.



Nú svo fór 10. bekkur í ferðalagið sitt, suður á land og í ýmislegt skemmtileg. Það var víst geðveikt gaman og mikið upplifelsi sem er frábært. Gott að eiga góðar minningar með bekkjarfélögum sínum.

Skólaslitin voru 31. maí og þá útskrifaðist frumburðurinn úr 10. bekk. 10 ár að baki og mörg framundan. Þeir stóðu sig báðir frábærlega vel í skólanum og ég var afar stolt mamma þegar ég sé vitnisburðinn þeirra en ég þurfti svo sem ekkert að sjá hann ég er alltaf stolt af þessum dásamlegu gullmolum mínum sem standa sig alltaf vel.

Aldeilis flottur hópur með umsjónarkennara sínum til margra ára honum Hödda sem passaði uppá þau eins og ungahópinn sinn :) Takk Höddi og takk allir í Blönduskóla fyrir strákana mína.


Fallegu strákarnir mínir :)




Uppskeruhátíðir voru þarna einhversstaðar..... þ.e. uppskeruhátíð fullorðinna í knapamerkjunum og svo hjá krökkunum.
Það var reyndar svo mikið rok þegar krakkarnir voru með sína uppskeruhátíð að þau ákváðu bara að fara í reiðtúr inni í Reiðhöll og það var frábært. Þar skiptust þau á hestum og riðu berbakt. Meiriháttar gaman hjá þeim :)




Næst á dagskrá var félagsmótið og kvennareiðin. Ég ákvað nokkrum dögum fyrir félagsmót að við myndum öll taka þátt sem við og gerðum. Æfðum 2x sem var auðvitað alls ekki nóg og maður sér það svona eftir á að það er víst sniðugt að æfa sig og hestinn og sérstaklega saman og fá leiðsögn þar sem maður kann akkúrat ekki neitt í leikreglunum. Svoooooo ef maður keppnir aftur þá verður það tekið í gegn.

Sigurgeir fékk Börk lánaðan hjá Höskuldi og þeir tóku tvær æfingar og enduðu í 8 sæti




Ég æfði Hátíð 2x sinnum og aldrei í tölti..... komst í úrslit í tölti en klúðraði úrslitunum og endaði í 5. sæti. Sennilega einmitt sniðugt að fá leiðsögn um það hvernig maður ríður úrslit.



Bjartmar fór á Glettu og æfði sig 1x og komst í úrslit því þau voru ekki nema 5 og honum fannst svoooooo gaman. Frumraun þeirra beggja í barnaflokki og það var bara vel gert hjá þeim..... finnst samt ennþá vitlaust að hafa stökk í barnaflokki......



Í gær var svo kvennareiðin og við fórum nokkrar héðan úr hesthúsahverfinu á Blönduósi og hittum hinar við Húnsstaði. Riðum yfir Húnavatn og í Þingeyrar. Alveg geggjuð ferð, skemmtilegt fólk geggjað veður, vel skipulagt og frábær matur. Hvað getur það verið betra.

Höskuldur B. Erlingsson tók þessar myndir og ég stal þeim af facebook síðunni hans, takk Höskuldur :)

Hátíð greyið fékk að fara í þessa ferð, aldrei friður. Hér erum við greinilega ekki að rekast í hóp frekar en fyrri daginn :)
 




en jú á endanum er ekki annað hægt enda góður hópur :)



  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar