Í fréttum er þetta helst....

Færslur: 2012 Nóvember

19.11.2012 11:32

Enginn andi.....


Eitthvað svo andlaus í haust .... og ég tala nú ekki um veðrið núna í nóvember, get ekki einu sinni kennt, í haust hef ég kennt um helgar þegar krakkarnir mínir yndislegu koma heim úr skólanum en allar helgar í nóvember hefur verið brjálað veður og allt ófært um leið. Ekki fer maður nú á rúntinn á Skoda í svoleiðis veðri og færð.

Nema hvað strákunum finnst auðvitað voðalega gaman að fá snjó og Skírni líka en ég væri alveg til í að það kæmi aldrei snjór og ef hann kæmi þá bara færi hann strax aftur.







og svo þarf að moka og moka og moka, innkeyrslan verður alltaf full af snjó svo ég legg bílnum mínum alveg út við gangstétt.... Bjartmar sagði reyndar við mig í dag að ég mætti ekki hafa framendan inná gangstéttinni því þá gætu gangandi ekki gengið eftir henni, hvar skildi hann hafa heyrt þetta emoticon

   


Sigurgeir var að spila á  fjölskylduskemmtun til stuðnings Guðjóns Óla Jónssonar, alltaf gaman að sjá þessa krakka spila og ég tala nú ekki um þegar Sigurgeir spilar á saxafóninn, bara frábært. Fjölskylduskemmtunin var frábær og yndislegt að sjá hvað  margir komu og sýndu stuðning sinn við fjölskylduna.







Sigurgeir var einnig að spila með Svavari kennaranum sínum á 100 ára byggingarafmæli Kvennaskólans á Blönduósi og ég var auðvitað bara stoltust. Þar mætti t.d. mennta- og menningarmálaráðherra, Katrín Jakobsdóttir.





Ég skrapp suður 9. nóv ásamt fulltrúum sveitarfélaganna í A-Hún á fund mennta- og menningarmálaráðherra til að fylgja eftir ósk um stuðning við að starfrækja dreifnám hér heima í samstarfi við FNV.  Fór með Bigga Upp en veðurspáin var ömurleg og ég hefði aldrei farið ein á Skoda en við ákváðum að fara þó veðurspáin væri slæm, fórum um hádegi og mættum á mjög svo frábæran og jákvæðan fund og svo var bara brunað aftur norður. Rok alla leiðina og ömurleg á Holtavörðuheiði en brjálað frá Hvammstanga í Víðihlíð. Var mjög fegin að Biggi var á sínum Patrol fjallajeppa og hann og þeir högguðust ekki á veginum. Sjaldan verið fegnari að komast heim.


Þannig að ég hitti ráðherra 2x á 4 dögum sem ég held geti nú kallast gott.

Skruppum fram í Miðhús í dag að kíkja á hestana, ætli við þurfum ekki að fara að finna rúllu til að gefa þeim svo þeir hafi meira að eta þegar næsta stórhríð skellur á, sem er á miðvikudag...... arggggggg.



  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar