Í fréttum er þetta helst....

Færslur: 2011 Nóvember

22.11.2011 21:00

Aldrei þessu vant eitthvað um hesta


Það er komið grænt ljós á Boston með Bjartmar, sennilega ekki fyrir jól samt. Við bíðum bara og förum þegar við eigum að fara, ekkert vandamál með það.


Nú af öðru. Þessi fagri foli, Háfeti frá Blönduósi undan Hlökk og Gaumi frá Auðsholtshjáleigu, er kominn inn í tamningu og verður afskaplega gaman að fylgjast með honum. Ég á helminginn í honum á móti þeim eðalhjónum á Þingeyrum þeim Helgu og Gunnari og þau sjá um tamningu á honum. Ég horfi auðvitað bara á og dáist af honum.




Meira af hrossum.....
Ég fór á uppskeruhátíð búgreinafélaganna og hestamannafélagins sem er nú ekki í frásögur færandi nema ég fékk verðlaun. Hef aldrei á ævinni fengið eins mörg verðlaun eins og í ár. En sem sagt, við Tryggvi Björnsson fengum, sem ræktendur, viðurkenningu fyrir hæst dæmdu 6v merina á kynbótasýningu sl. vor hana Hildi frá Blönduósi sem er undan Hlökk og Adam frá Ásmundarstöðum. Flott meri.


Stal þessari mynd af fésinu.... af henni og Benedikt Benediktssyni.


Ég er svo mikill ræktandi, ég hef alveg einu sinni áður fengið svona viðurkenningu en það var þegar Hylling var 4 vetra þá stóð hún efst í sínum flokki var með 8.08 í hæfileikum það árið. Hún er líka undan Hlökk og Hilmi frá Sauðárkróki.


Ég er alveg að missa mig yfir þessum verðlaunum öllum
emoticon


09.11.2011 21:28

Suðurferð


Vetrarfrí hjá strákunum og við áttum löngu pantaðan tíma hjá Hróðmari. Hann sagði okkur strax að hann vildi að Bjartmar færi aftur til Boston og við vorum sammála honum með það. Frekar að skoða hvort hægt sé að laga þetta heldur en að eiga von á hraðtakti hvenær sem er. Hann þarf samt að ráðfæra sig við lækinn í Boston og sjá hvað hann segir og við bíðum bara á meðan.

Áttum góða helgi með dásamlegu fólki, mömmu, bræðrum mínum og konum þeirra og svo dásamlega yndislegum vinkonum sem ég hef ekki hitt lengi. Ákveðið að eyða miklu meiri tíma í það fljótlega.

Búðarráp sem ég bara meika ekki það er svo leiðinlegt og ekkert ódýrara en 10.000 kall. Talandi um peninga þá fékk ég alveg ótrúlega fáranlegan greiðsluseðil uppá 240 kr um daginn og borgaði hann auðvitað :) Hélt að þetta fyrirtæki ætti að spara, Landsspítalinn, en það sparar nú lítið með því að senda greiðsluseðil uppá 240 þegar það kostar 90 kr undir póstinn og búa til greiðsluseðillinn í bankanum er örugglega 350 kr. Maður spyr sig: er þetta sparnaður?

Annað er bara við það sama.



  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar