Í fréttum er þetta helst....

Færslur: 2011 Júní

27.06.2011 22:21

Hestar = Landsmót


Hver helgin af annarri fer í mót, mikið rosalega sem ég var þreytt í gærkvöldi og í dag eftir helgina. Lá bara fyrir. Jæja nema hvað.......

ákváðum að fara með þeim í Hvammi á laugardag og æfa okkur aðeins á vellinum fyrir norðan. Þau tóku alla hestana og ég fékk bílinn og fellihýsið lánað hjá Begga.

Vorum komin um 16.30 á Vinheimamela og áttum æfingatíma kl. 17.00. Skrilljón manns á vellinum en við fórum samt og Hátið var ekki alveg eins og hún var vön, neitaði alveg að brokka sem setti okkur Sigurgeir aðeins úr jafnvægi en gátum svo sem lítið gert í því.

Fórum og fundum okkur hólf, tjölduðum og höfðum bara gaman um kvöldið í frábæru veðri sem entist allan sunnudaginn.




Mæting var á knapafund kl. 10 á sunnudagsmorgni þar sem Sigurbjörn Bárðarson sagði krökkunum að viss sigur væri unninn með því að komast á Landsmót og nú væri bara að hafa gaman af því að vera í brautinni, gera sitt besta og brosa, sem þau og gerðu.

Smá tími vannst til að fara niður í hólf og þar voru hrossin að hvíla sig og strákarnir líka :)



Gamla fékk stresskast og dreif þau uppá völl að keppa. Þeim gekk ágætlega, hún var nú samt ekki eins pottþétt í öllu eins og hér heima og hann ekki búin að læra allt sem læra þarf í þessum bransa. En þetta er frábær reynsla og safnast þegar saman kemur og bara frábært að taka þátt á Landsmóti.




Þá er bara að halda áfram á sömu braut og æfa sig og læra meira. Ég fæ sennilega ekki frið með hana Hátíð mína hér eftir. Ætli ég fái hana nokkuð lánaða meir.

Myndir í albúmi.

24.06.2011 22:16

Fótbolti


Jæja ég verð víst bara að éta allt ofan í mig þessa dagana..... ég eyddi allri síðustu helgi í fótbolta og hafði bara gaman af og meira segja vann líka á mótinu..... mér fer greinilega bara mikið fram í fótboltamálunum emoticon

Smábæjarleikarnir voru hér um síðustu helgi og auðvitað tók Bjartmar fótboltakall þátt í þeim. Hann er í 7. flokki og  spiluðu þau 4 leiki í rokinu á laugardag og unnu þá alla.









Á sunnudeginum spiluðu þau 2 leiki og unnu þá báða og urðu því í 1. sæti í sínum flokki. Flott hjá þeim og gaman að horfa á þessa krakka spila og sjá hve gaman þau hafa af fótboltanum.

Af því ég hef aldrei neitt að gera ákvað ég að vinna eina vakt og fór kl. 7 á sunnudagsmorgni á eldhúsvaktina. Það var ljómandi, endaði í að afgreiða pylsur með nokkrum frábærum konum, vildi að ég vissi hvað við afgreiddum margar pylsur á þessum 1 og 1/2 klukkutíma sem við stóðum í pylsutjaldinu. Virkilega skemmtileg helgi en var svolítið þreytt eftir hana. Sigurgeir var svo sendur í sveitina að "vinna" á sunnudagskvöld.

Á mánudagskvöld "skruppum" við á Vinheimamela að prófa völlinn ásamt hinum krökkunum, foreldri  og Óla Magg sem sagði þeim til. Alveg frábær ferð og mikil stemming fyrir Landsmótinu sem er á sunnudag. Við ætlum allavega að hafa gaman af því. Vona samt að fari að hlýna.



Tekið í "haust" blíðunni á Vindheimamelum. Landsmótsfarar og Óli.


15.06.2011 08:48

Á leið á Landsmót hestamanna


Jæja ég verð víst að éta allt ofan í mig um að nenna ekki að eltast við þessi mót hingað og þangað allt sumarið, hef margt sagt það að mér finnst óþolandi að eyða sumrinu í að keyra staðanna á milli til að koma krökkunum á einhver mót en það á auðvitað bara við um fótbolta því mér finnst hann glataður. Það gegnir auðvitað allt öðru máli um hestana emoticon og þarf ég nú að eltast við Sigurgeir á Landsmót hestamanna. Það er sem betur fer á Vindheimamelum í Skagafirði. Nei auðvitað eru allar íþróttir frábærar þó ég nenni kannski ekki alveg að helga tíma mínum í það að eltast við mót allt sumarið.

Eftir miklar vangaveltur og marga hringi þá ákvað ég að fara ekki með Hátíð í B-flokkinn til að reyna að koma henni þar inn á Landsmót heldur lofa Sigurgeiri að spreyta sig í keppni og lánaði honum þá Hátíð auðvitað, ekkert annað hross keppnishæft nema auðvitað Fagrajörp fyrir hann Bjartmar.

Ég ákvað líka að lofa honum að prófa að keppa í tölti en það var opinn flokkur þar þannig að það mátti hver sem er keppa, ekki bara fullorðnir.

Þar sem við höfum aðgang að tveim frábærum mönnum, þeim Val og Óla, til að æfa þá bað ég þá um að leiðbeina honum aðeins þar sem hvorki Sigurgeir eða ég vissum nokkurn skapaðan  hlut hvernig svona keppni fer fram, þ.e. aðeins örðuvísi að keppa úti á velli eða inní lítilli reiðhöll. Og við æfðum nokkrum sinnum, aðallega þó fyrir unglingaflokkinn en aðeins fyrir töltið, ekki eins mikið þó.
Takk takk fyrir kæru vinir.

Upp rennur dagurinn 13. júní og þeir mæta auðvitað á svæðið.

 

Bjartmar var frábær í pollaflokknum, fékk að ríða stökk heilan hring og hjartað næstum úr mér auðvitað en hann alsæll...



og fékk auðvitað verðlaun emoticon


Sigurgeir var að keppa í unglingaflokki í 1. skipti og var efstur eftir forkeppnina og ég get svo svarið það hvað ég var stressuð um að hann myndi ekki muna röðina eða hann myndi ríða útfyrir eða eitthvað en hann kláraði sig sko aldeilis flott og var langefstur eftir forkeppnina og hélt því í úrslitum. Aldeilis flott hjá þeim.

               

  





Ég sagði við hann þú gerir bara eins og þú getur í töltkeppninni því þar var hann að keppa við alla þessu "stóru" kalla og haldiði ekki að hann hafi bara unnið það með glæsibrag, hann sem sagt kom, sá og sigraði emoticon



Það var nú aldeilis ekki búið því þau voru valin glæsilegasta par mótsins sem var ótrúlega gaman og flott enda afar flott par þar á ferð.....
 




þau komu því heim með 5 bikara þennan eina dag og farmiða á Landsmót hestamanna en forkeppnin þar er 26. júní, svo mæting  þar.





Ég get bara ekki neitið því að hafa verið rosalega stolt mamma þennan dag og ræktandi auðvitað en ég á reyndar ekkert í þessari ræktun því þetta er allt minni kærri vinkonu Helgu á Þingeyrum að kenna að þessi meri er til en ekki eitthvað annað hross þar sem hún setti Hlökk í hólf hjá Aski þegar hún, þ.e. merin kom heim sónuð fylfull við Kveik frá Miðsitju. Ég get seint þakkað þér Helga mín að færa mér þennan dásemdargrip.
Ræktunina á strákunum á ég alveg sjálf með Begga og hún er að koma ágætlega út líka held ég bara emoticon

Fleiri myndir í albúmi.


05.06.2011 22:16

2 ár


Jább við erum búin að búa í þessu yndislega húsi í 2 ár emoticon
Byrjaði svo sem ekki vel því 1. nóttina, þ.e. aðfaranótt 28. maí 2009, fékk Bjartmar hraðtakt og við vorum send með hann til Reykjavíkur og fengum úr því skorið að hann væri með hraðtakt. Hraðtakt fékk hann hins vegar fyrst sjómannadaginn 2008 og ég hélt hann væri bara að deyja í höndunum á mér en hringdi samt ekki á sjúkrabíl. Gáfuleg, en hann jafnaði sig sjálfur þá. Langar samt ekki í aðra eins upplifun en nú veit ég nákvæmlega hvernig þetta gerist og hvað ég á að gera. Hann hefur hins vegar verið fínn á þessum lyfjum sem hann er á í dag. Mjög góður bara.

Jæja ýmislegt brasað en það helsta er að það voru tvær uppskeruhátíðir sem ég komst í sl. daga. Fyrst okkar úr knapamerkjunum sem haldin var í reiðhöllinni. Við fórum fyrst í útreiðatúr og síðan grilluðum við. Ofsa gaman.
Í dag var svo farið með æskulýðinn í Þingeyrar og þar var riðið út og svo grillað. Svolítið mikið rok en það gerði bara ekkert til, bara riðið hratt og farið í fótbolta þegar heim var komið, inní reiðhöll og svo grillað. Frábær dagur. Flottir krakkar.



Hún Gletta mín fékk svo frí, ekki að hún hafi þurft að gera mikið í vetur en hún ætlar að vera á Þingeyrum í sumar og verða FEIT emoticon


  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar