Í fréttum er þetta helst....

Færslur: 2011 Maí

30.05.2011 08:41

Ísak Hrafn, Hlökk og lömb


Margt búið að brasa frá 10. maí.....

Við fórum auðvitað eins oft í sauðburð í Miðhúsum og við gátum. Bjartmar varð ekkert rosalega ánægður þegar kindin hans Sigurgeirs varð þrílembd en hans bara alls ekki borin...



en ég reyndi mikið að kaupa þessar flottu gimbrar, sem Bjartmar heldur á, af Eið en það var ekki tauti við hann komandi, ekki láta mér detta það í hug sagði hann.


Kindin hans Bjartmars hún Birta varð svo "bara" einlembd en það var allt í lagi því afi hans gaf honum mórauða gimbur í uppbót.

Nú Ísólfur ákvað að fara með Hátíð á kynbótasýningu á Hvammstanga í síðustu viku og hún hækkaði uppí 9 fyrir tölt og fegurð í reið. Lækkaði hins vegar úr 9 í 8 fyrir vilja og geðslag þar sem henni fannst greinilega ekkert spennandi að fara fram og til baka, fram og til baka...... (mér dettur alltaf í hug auglýsingin um rúðuþurrkurnar fram og til baka) og vildi ekki fara inná í einni ferðinni svo hún var snarlækkuð og komst þar að leiðandi ekki í fyrstu verðlaun fyrir hæfileika en það kemur bara næst, en flott var hún hjá Ísólfi. Takk takk Ísólfur fyrir flotta sýningu :)





Hún er komin heim og Sigurgeir er farinn að æfa sig á henni .......

Helgin var þéttsetin af veisluhöldum, þ.e. við mættum í veislur, fyrst í afmæliskvöldverð hjá Jobbu og svo í skírnarveislu hjá Evu Dögg og Jóa en litli fallegi gullmolinn þeirra fékk nafnið sitt fallega í gær, Ísak Hrafn. Innilega til hamingju með það.



12.05.2011 08:25

Myndir


Setti nokkrar myndir úr fermingum í myndaalbúm og líka myndir af strákunum sem Helena Mara tók.

           


10.05.2011 10:10

Hestar og kindur


Það er ekkert lát á þessu hesta hesta...... og nú eru það líka kindur og kindur......

Sl. laugardag drifum við okkur eldsnemma á Æskan og hesturinn á Sauðárkróki og það var alveg frábær dagur, gott veður, kátir krakkar og frábær sýning.

Sigurgeir tók þátt í fánareiðinni ásamt Hrafnhildi og Hákoni. Bara flott saman og auðvitað var hann á Hátíð. Hann er nú farinn að fá hana lánaða of oft .... emoticon   


Bjartmar var í þrautabrautinni sem þau voru með á Æskulýðssýningunni hér 30. apríl en fengu að fara rosalega margar ferðir þar sem við vorum með báðar þrautabrautirnar inná í einu. Höllin þar er nefninlega svolítið mikið stærri en okkar og þar að leiðandi ákváðum við að hafa báðar brautirnar inná, stóru krakkarnir öðru megin og litlu krakkarnir hinu megin. Svakalega flott hjá þeim og alveg frábært að sjá hvað þeim hefur farið mikið fram í vetur emoticon   


Stóru krakkarnir voru síðan með mynsturreið og hún heppnaðist frábærlega, svo flottir krakkar emoticon   



Nú á sunnudag dreif ég mig í Miðhús og "vann" þar allan daginn. Var nú svolítið uppgefin þegar ég kom heim um 23.30.... er ekki vön svona vinnu  emoticon

Í gær fórum við með Hátíð í þjálfun,  henni veitir ekki af eftir að hafa bara verið í einhverjum keppnum, knapamerkjanámskeiði eða sýningum í vetur, það þarf aðeins að skóla hana til. Fórum síðan í Miðhús og vorum þar fram að kvöldmat. Alveg dásamlegt að komast í einhverja vinnu.

Komst að því á leiðinni heim í gær að ég átti 35 ára fermingarafmæli og litli sæti prinsinn þeirra Ólafar, sætu frænku og Matta ákvað að fæðast á þeim merka degi. Innilega til hamingju með það.

05.05.2011 09:39

Hvað á maður nú að gera


Veit hreinlega ekki hvað ég á af mér að gera núna, æskulýðssýningin búin, knapamerkjaprófin búin, tónlistarskólinn búinn ......

Æskulýðssýningin var um síðustu helgi og var alveg frábær, krakkarnir frábærir og góð mæting og allir í kaffi á eftir en það var kaffi og "með því" sem var greinilega mjög vinsælt.

Bjartmar og krakkarnir sem voru með honum í hóp fóru þrautabraut en Petronella hefur verið að kenna þeim að stoppa, vera með mjúkar taumábendingar og fara yfir smá hindrun í vetur og það hefur gengið frábærlega vel. Hann rúllaði í gegnum brautina og þau voru svoooooooo flott, hann og Fagrajörp og gaman að sjá hvað honum hefur farið fram í vetur.




Sigurgeir var í mynsturreið með krökkunum úr knapamerkjum 2 og 3. Það tókst frábærlega og þau voru ótrúlega fljót að ná mynstrinu, tóku bara 2 æfingar og ekkert mál hjá þeim. Frábærlega gaman að sjá þau renna þessu í gegn.



Í gær voru vortónleikar Tónlistarskólans og auðvitað spiluðu prinsarnir þar.
Bjartmar spilaði á Sprengisandi og Skarpi spilaði auðvitað undir ...





Sigurgeir spilaði á saxann, alltaf jafn flottur


og svo spilaði hann á gítarinn í "hljómsveitinni", svo flott og gaman hjá þeim.



Í gær voru líka knapamerkjapróf, 18 manns sem fóru í próf og allt gekk vel þar.
Þá er námskeiðahaldi vetrarins lokið, eftir er Æskan og hesturinn á Sauðárkróki á laugardaginn og svo uppskeruhátiðir síðar.

Svo nú hef ég bara ekkert að gera og veit ekkert hvað ég á við tímann að gera....... kannski að fara á hestbak, nei ég segi bara svona emoticon


  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar