Í fréttum er þetta helst....

Færslur: 2011 Mars

27.03.2011 20:12

Tími til kominn....


Er ekki kominn tími til að skrifa eitthvað hér......

Ég verð nú að viðurkenna að ég man ekkert hvað hefur gerst undanfarið, jú ég fór ekki á Ís-landsmótið á Svínavatni, leiðinlegt veður svo ég nennti ekki. Fór ekki á fimmganginn í Sparisjóðs-liðakeppninni þar sem ég get ekki keppt í fimmgangi á Hátíð og get ekki mætt á mót nema að vinna emoticon
Við "skruppum" suður og ég hitti systkini mín sem búa í Noregi eða þau sem voru stödd hér á landi. Það var gott að hitta þau.
Komst líka  í fimmtugs afmæli æskuvinkonu minnar hennar Svandísar, yndislegt að geta átt góða kvöldstund með þeim.
Kenndi slatta.....  ruddumst í búðir á mánudag og þriðjudag og græjuðum ýmislegt fyrir ferminguna. Fórum heim á miðvikudegi og þá var komið vetrarfrí í skólanum.
Svo er nú bara verið að kenna.... Hvammstangi, Blönduós, Skagaströnd og Húnavellir.....

Hestamál.....  búið að járna Glettu Álfasteinsdóttur og ég búin að fara á hana nokkrum sinnum, dauðþæg og allur gangur. Systir hennar Gammsdóttir fékk hrossasótt, úti í stóði, um síðustu helgi og sem betur fer áttu þau leið um þau Reykjahjón og komu henni undir læknishendur. Þvílík heppni því daginn eftir var Grunnskólamót á Sauðárkróki og þá voru þau auðvitað ekki á ferðinni. Svo hún slapp  og er við hestaheilsu.
Strákarnir eru að spá í að taka þátt í Grunnskólamótinu sem verður á Hvammstanga um næstu helgi en þá er keppt í tölti og það er lokamót keppninnar. Vonandi að veðrið verði gott.
Annars allt við það sama emoticon




03.03.2011 09:50

Mikið að gera


Hér er svo mikið að gera að það er ekki tími til að skrifa fréttir......
Verð nú að viðurkenna það að ég bara man ekki alveg hvernig dagarnir hafa verið en ef ég kíki á viðburðardagatal Neista  þá var Grunnskólamótið haldið í Reiðhöllinni smali/skeið 20. febrúar og það var auðvitað mikið æft fyrir það og gekk svona glimrandi vel. Bjartmar tók þátt í því, Fagrajörp klikkar ekki á svoleiðis en Gustur var ekki að passa í hlutverið svo Sigurgeir vann bara í sjoppunni og það var alveg frábært.




Knapamerkjapróf var 21. febrúar, mikið búið að æfa fyrir það og reyna að gíra Hátíð niður eftir mótin sem hún fór í. Það gekk vonum betur, svo skemmtilega fyndið hross. Gekk samt ekki nægjanlega vel í prófinu með hana, hefði sko viljað fá hærri einkunn, en markmiðið var að fara á henni og þá er auðvitað bara að taka því þó ekki hafi gengið algjörlega eins og maður vildi. Hefði alveg getað fengið hross lánað sem passaði algjörlega í þetta hlutverk en það er ekkert víst að það hefði verið neitt betra, þ.e. ég hefði kannski ekkert fengið hærri einkunn, ég er bara akkúrast svona eins og prófið segir til um. Allavega var markmiðinu náð svo við erum bara góðar með okkur, við merarnar emoticon

Við gellurnar sem fórum í próf ásamt Helgu prófdómara og Sibbu kennara.




Nú síðan kom árshátíðin hjá  Blönduskóla, algjörlega flott og frábært hjá þeim og svoooooo gaman. Þau settu upp leikritið Iris sem var mjög flott og skemmtileg og kom vel út. Sigurgeir var afi og passaði svolítið mikið í það hlutverk.....

Blönduvision  var á sínum stað og síðan voru krakkarnir úr 8. bekk með tónlistaratriði þar sem 8 þeirra spiluðu á hljóðfæri og sungu og restin tók undir í viðlaginu. Frábært hjá þeim og gaman á að horfa og hlusta.

 
Ótrúlegt hvað hægt er að gera á stuttum tíma með krökkunum. Frábær skemmtun, takk takk fyri
emoticon   


Nú á laugardeginum var smali og skeið í Sparisjóðsliðakeppninni í Reiðhöllinni og það tók auðvitað allan daginn og það er hægt að sjá fréttir og myndir á vef Neista  og svo var aftur mót á sunnudeginum 27. febrúar og haldiði ekki að gamlan hafi bara unnið áhugamannaflokkinn í töltinu á dásemdarhrossinu henni Hátíð. Góðar saman.


Við Óli vorum jöfn í 1 og 2 sæti með 7.17 í einkunn sem var sko miklu hærra en það sem þeir í opna flokknum fengu og þurftum að fara 2 ferðir til að skera úr um sæti og ÉG VANN emoticon    
Ég ætla samt ekkert að fara á Svínavatn  um helgina....



Á alveg rosalega marga bikara orðið emoticon



Og það er algjörlega sprungið á mér....... þarf samt að fara að huga að fermingarmálum því það styttist óðfluga......


  • 1
Flettingar í dag: 278
Gestir í dag: 33
Flettingar í gær: 135
Gestir í gær: 38
Samtals flettingar: 626519
Samtals gestir: 96282
Tölur uppfærðar: 15.12.2017 19:36:30

Tenglar