Í fréttum er þetta helst....

Færslur: 2010 Desember

24.12.2010 13:00

Gleðileg jól




 

Kæru vinir, guð gefi ykkur gleðileg jól
og gleði og gæfu á nýju ári.
Hafið það sem allra best og njótum þess
að vera með fjölskyldu og vinum.

Jólaknús emoticon

21.12.2010 09:42

Jólatré og Reykjavík


Yndislegt að fara og ná í jólatré á laugardaginn. Veðrið framfrá var æðislegt og við örkuðum þarna um ásamt mörgum öðrum.


en við fundum jólatré, eitt "risastórt" fyrir Begga sem þeir feðgar saga  hér.....



og eitt mikið minna fyrir mig sem Sigurgeir sagaði



jólasveinn í skóginum



svo var að pakka.....



og draga uppí bíl.....



og svo auðvitað kakó og "varðeldur" áður en haldið var heim emoticon



Eftir jólatrjáaleiðangurinn skrapp ég til Reykjavíkur, fram og til baka, með Skrúð.


Hann var afar glaður að komast  heim til sín fyrir jólin og ég vona að það komi hvolpar eftir 2 mánuði emoticon

19.12.2010 08:32

Jólin nálgast :)


Dagarnir líða sem fyrr og hér er ekkert skrifað.....
Eitthvað hefur nú gerst síðan síðast. Jólatónleikar Tónlistarskólans voru haldnir 9. des og strákarnir spiluðu þar ásamt mörgum öðrum börnum. Það er alltaf svo gaman að hlusta á hvað þau eru flink að spila og dugleg að koma fram.

Hér eru þeir Bjartmar og Skarphéðinn að spila ....


Sigurgeir alltaf flottur með saxann :)


og svo þeir kapparnir á gítarana, Benni og Sigurgeir.



Ég og allir hinir fórum í bóklegt próf í knapamerkjunum og þau gengu glimrandi vel. Þá er bóklega hlutanum lokið hjá öllum og ekkert annað en að byrja í verklega eftir áramótin og æfa sig og æfa allan veturinn. Vonandi fyllist ekki allt af snjó, á mjög erfitt með að líka við hann og þennan endalausa kulda... er sennilega bara orðin of gömul til að hafa áhuga á slíku veðurfari.

Nú laugardaginn 11. "skutluðumst" við suður og náðum í 1 stk. hund sem er búinn að vera hér í viku. Þessi hundar er svo prúður, góður og fallegur að hann er alveg eins og Trýna dásamlega var, alveg andstæðan af henni Sölku blessaðri sem er ofvirk og endalaust á hlaupum að gá að einhverjum emoticon     
Vonandi kemur eitthvað út úr þessum hittingi þeirra eftir uþb 2 mánuði.


Nú við erum löngu búin að baka og borðum það jafnóðum. Ég er alveg ótrúlega heppin að hafa ekkert/lítið að gera, skárra núna eftir að krakkarnir komu í jólafrí, sem þýðir það að ég hef bara verið heima og strákarnir notið góðs af því og ég auðvitað líka, því það er bara yndislegt að geta verið heima með þeim. Það er bara ekkert sem jafnast á við að vera heima þegar strákarnir koma heim úr skólanum og vera með þeim. Við Bjartmar spiluðum alltaf UNO eða veiðimann áður en hann fór í íþróttaskólann og það er svo notalegt.  Ég er auðvitað bara ótrúlega heppin og er afar þakklát fyrir að hafa tíma fyrir þá.
Þannig að piparkökur voru bakaðar sl. sunnudag, við vorum svolítið þreytt eftir Reykjavíkurferðina á laugardeginum en þar náðum við að gera ótrúlega marga hluti. Við hittum mömmu, Gumma og Albert og Jóhönnu, alveg yndislegt og svo komumst við meira segja í nokkrar búðir áður en við sóttum hundinn Skrúð sem á heima í Hafnarfirði og vorum komin heim kl. 22.30.

Á þriðjudag fór ég á tónleika með Frostrósum í Varmahlíð en sem betur fer hafði Raddý vit fyrir mér því ég hélt alltaf að ég væri að fara til Akureyrar en sem betur fer var það ekki því það var auðvitað snarvitlaust veður þann daginn og við fórum sem sagt í Varmahlíð á yndislega tónleika. Fer samt næsta ár á Akureyri emoticon   

Litlu jólunum var frestað vegna veðurs og verða þau vonandi bara eftir jól eða á nýju ári. Í dag er svo jólatrjáaleiðangur og ýmislegt fleira örugglega ......
annars er allt tilbúið hér fyrir jólin þ.e. þegar jólatréð verður komið. Strákarnir verða hjá pabba sínum og ég mæti bara þangað, þarf þar að leiðandi ekki að elda  emoticon      

07.12.2010 11:20

Mjög áhugavert....


Horfði á Landann á sunnudagskvöld og sá mjög áhugaverða frétt frá Menntasetrinu á Þórshöfn.  Held þetta sé eitthvað sem við eigum að stefna að í stað þess að senda börnin okkar alltof snemma að heiman. Á maður ekki bara að fara að kanna málið emoticon         

07.12.2010 11:05

Fáránlegt


Ég tek þetta til baka með flottu bílana frá Coke  hér í fyrri færslu. Hafði ekki hugmynd um að þessir bílar væru fluttir inn sérstaklega frá Ameríku  til að ferðast hér um fyrir jólin. Hélt þetta væri nú bara íslenskir bílar að flytja coke á milli staða. Finnst það alveg fáránlegt að eyða peningunum í að flytja inn bíla til að flytja þá út aftur og væri nær að styrkja eitthvað gott málefni.

05.12.2010 21:07

Aðventumessa í dag


Ég kem engu í verk frekar en fyrri daginn enda svo sem ekkert sem þarf að gera, ætti samt að vera að lesa undir bóklegt próf í knapamerki 2..... :)

Í gær skruppum við í Húnaver á markað sem þar var haldinn. Snilldarhugmynd og skemmtilegt hjá þeim og margt flott og skemmtilegt sem þar var á boðstólnum.

Í dag var aðventumessan í kirkjunni. Virkilega notaleg stund með góðri tónlist og fallegum söng. Sigurgeir var að spila og svo eins og alltaf í aðventumessu sjá fermingarbörnin um að bera inn ljósið. Svo flottur........


Eftir messu var kveikt á jólatrénu og þar voru jólasveinar að sjálfsögðu mættir á svæðið og Bjartmar var ekki lengi að finna þá .....


vorum við svo heppin að sjá þessa flottu bíla á leið í gegnum bæinn þegar við vorum á leiðinni heim :)




  • 1
Flettingar í dag: 278
Gestir í dag: 33
Flettingar í gær: 135
Gestir í gær: 38
Samtals flettingar: 626519
Samtals gestir: 96282
Tölur uppfærðar: 15.12.2017 19:36:30

Tenglar