Í fréttum er þetta helst....

Færslur: 2010 Febrúar

28.02.2010 20:47

Febrúar 2010

February 23, 2010

Bara sofandi .....

Mætti halda að ég sé sofandi við þetta hér......

Ætlaði til Akureyrar í dag til ýmissa verka en hætti við, nenni ekki að rúnta um í leiðindaveðri, eða orðin svona mikil kelling að ég þori það ekki :/
Það var kynningarfundur um nýja námskrá til almennra ökuréttinda á vegum Umferðarstofu og Ökukennarafélags Íslands í dag á Akureyri og ætlaði ég á hann ásamt því að kenna svolítið en það var svo fúlt veður að ég bara lagði ekki í´ann.
Hefði verið gott að vita allt um nýju námskrána og ekki verið verra að hitta alla ökukennarana fyrir norðan, en bara næst.....

Jóhann Hrafn besti vinur Sigurgeirs úr Hveragerði kom og var hérna hjá okkur um helgina. Það var yndislegt að hafa hann og þeir spiluðu matador og fótbolta alla helgina. Svanný kom líka og gisti eina nótt en hún var á íþróttadómaranámskeiði á sunnudag uppí Reiðhöll. Voðalega gaman hjá okkur en bara alltof stutt stopp.

Svo var Smali í Húnvetnsku liðakeppninni á föstudagskvöld og það gekk bara vel og var virkilega gaman.

Við fórum með Hátíð norður í Skagafjörð á fimmtudag. Hún á að vera núna í smá tíma í almennilegri þjálfun svo ég verði ekki neðst aftur í næstu keppni :)

Svo er bara allt við það sama......


Posted by Selma at 09:46 PM | Comments (0)

February 14, 2010

Þrennt.....

Hva aldrei skrifað hér ....
Svo ég afsaki mig eitthvað þá sé ég oftast um að setja fréttir á Neistasíðuna og hef þá bara ekkert til að segja hér :o)

Það er svo sem ekkert að gerast nema ef það byrjar á hestar þá er eitthvað um að vera.
Við vorum með mót í Reiðhöllinni sl föstudagskvöld og það gekk bara vel, sæmileg skráning, fáir áhorfendur og ég lét mig hafa það að keppa í fyrsta skipti í 20 ár. Hélt ég myndi fara yfirum, svolítið fyndið því ég stend í því aðra hvora viku að tala um fyrir nemendum mínum að vera ekki svona stressaðir, þetta væri nú bara próf og þau væru búin að keyra fínt svo þau þyrftu nú ekki að vera að stressa sig yfir svona smámunum :o)
Ég var einmitt svona yfir því að láta hafa mig útí þetta en fór mína 3 hringi á Hátíð minni og við náðum neðsta sætinu :o)
Verð sennilega að æfa mig og hana eitthvað betur þó svo ég hafi bara engan áhuga á keppni, hef aldrei haft áhuga á keppni og mun ekki hafa, allt í lagi að vera með hér heima en held ég láti það bara nægja, eða ekki.......

Ég mætti í nýja tækjasalinn í írþóttahúsinu á laugardaginn. Er algjörlega að verða að aumingja líkamlega svo ég sá mér ekki annað fært en að druslast af stað í þetta. Já þetta er sem sagt ársprógramm 3x í viku. Sirrý sagði bara alveg satt að ég væri alveg öll úr lagi gengin, ég vissi það, vildi bara ekki horfast í augu við það.

Ég fór á hreppablótið sem var mjög fínt og ég náði að vaka til 02.00 sem ég hef ekki gert MJÖG LENGI.
Gott að fara í hesthúsið í morgun að gefa :o)

Ég náði sem sagt að gera þrennt nýtt um helgina :o)

Annars bara leiðinlegt veður, fer nú trúlega ekki á Akureyri á morgun eins og ætlunin var.

Posted by Selma at 06:29 PM | Comments (0)

February 04, 2010

Sópa betur

Tíminn líður og enginn tími til að skrifa hér, búið að vera eitthvað "bissí" tími og engin orka eftir, það gerir hesthúsið :o) búin að komast að því að ég sópa hesthúsið miklu betur heldur en gólfin hér heima enda miklu skemmtilegra. Þarf að taka mig saman og reyna að skúra eitthvað hér.......

Annars bara pappírar, kennsla, próf, námskeið, námskeið, námskeið, fundir, fundir, æfa mig á hljómborðið sem hann Benni fyrrverandi nágranni minn lánaði mér, takk Benni og ég man ekki meir, júbb bara 4 mánuðir eftir af skólanum. Voðalega gott að hugsa til þess :o)

  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar