Í fréttum er þetta helst....

Færslur: 2008 Febrúar

28.02.2008 21:01

Febrúar 2008

February 26, 2008

Þýskaland

Jebb komið að því, Þýskaland í fyrramálið, fljúgum til Kaupmannahafnar og tökum rútu til Hamborgar. Þar er dagskrá allan daginn alla dagana að skoða allt sem viðkemur ökunámi :)
Komum til baka á sunnudagskvöld........

Hjartanlega sammála Benedikt um nýja sundlaug á Blönduósi :)

Hvað segið þið ......

Posted by Selma at 01:31 PM | Comments (0)

February 18, 2008

Hestar, hestar, hestar :)

Jæja eitthvað líður tíminn......

Var svo "bissí" um helgina að ég man ekki hvaða dagur er í dag.
Föstudagurinn fór eiginlega allur í hesta og að kenna. Fór á hestbak á Hugrúnu og Toppu, það gekk bara fínt. Fór svo að kenna slatta og fór svo aftur uppí Reiðhöll á 1. töltmót vetrarins. Ég var reyndar í miðasölunni svo ég sá nú ekki mikið en allavega úrslitin og þau voru bara góð.

Á laugardaginn tók ég skurk í pappírum og náði að klára slatta. Fór auðvitað aftur á hestbak og á sunnudag fórum við Sigurgeir saman á hestbak. Ætlaði að vera svo dugleg í pappírum á sunnudag en nennti því bara alls ekki þó svo ég ætli að vera búin með þá alla fyrir Þýskalandsför. Fór þess í stað fram að Þingeyrum að heimsækja bændur og auðvitað hana Hlökk mína sem ég hef ekki séð alltof lengi. Tók þessa glimrandi fínu mynd af okkur eða þannig, ekki einu sinni í fókus :)

17.02.2008-002.jpg

Fékk gott kaffi hjá Helgu og Gunnari og skoðaði nýja hesthúsið. Ræddum auðvitað bara um hesta. Takk takk fyrir kaffi og spjall :)

Svo er að kenna á Sauðárkrók á morgun.......

Posted by Selma at 10:28 PM | Comments (0)

February 12, 2008

Vegagerðin

Merkilegt hvað upplýsingarnar um færð og veður á vef Vegagerðarinnar eru ekki réttar. Fór í morgun á Sauðárkrók og var auðvitað búin að athuga hvernig færðin væri yfir fjallið. Þar var skafrenningur og hálka. Ég hugsaði læt mig hafa það. Hálkan var frá Skagastrandarvegi upp að Þverá og ekkert svo meir, auður vegur og alls enginn skafrenningur.
Þetta er ekkert í eina skiptið sem maður athugar veðrið og það er barasta ekkert að marka það. Ekki gott, maður hættir að fara eftir þessu. Vefmyndavélarnar hjá Vegagerðinni eru reyndar góðar.

Nema hvað 5. bekkur var með þorrablót í kvöld. Voðalega gaman hjá okkur. Krakkarnir voru með ýmiss skemmtiatriði, brandarakeppni, söngkeppni, gátur, spilagaldra og ýmislegt okkur til skemmtunar. Foreldrar einhvern veginn ekkert að hafa sig í frammi með skemmtiatriði en voru tekin upp í nokkur atriði :)

Hér er brandarakeppni í gangi.....
12.02.2008-010.jpg

og strákarnir að plata Hödda eitthvað í spilagaldri :)
12.02.2008-026.jpg

Posted by Selma at 09:58 PM | Comments (4)

February 10, 2008

Þorrablótið búið

Meira leiðindaveðrið alla daga núna.....
en fór á hreppablótið í gær og það var bara gaman.
Var nú svolítið syfjuð í morgun þegar Bjartmar vaknaði kl. 06:30 :)
Eftir hádegið rölti hann inn í herbergi upp í rúm og steinsofnaði. Við Sigurgeir drifum okkur á hestbak á meðan hann svaf. Það er alltaf jafngaman. Leiðindaveður svo það voru engir í hesthúsahverfinu en Helga Una og Siggi voru með okkur í útreiðum í Reiðhöllinni og Siggi tók mynd af okkur Sigurgeiri á Hugrúnu og Gnótt :)

06.02.2008-044.jpg

og Gnótt er bara best :)
06.02.2008-045.jpg

Posted by Selma at 09:47 PM | Comments (0)

February 06, 2008

Skemmtilegur dagur

Þessi dagur er ekki búinn að vera neitt annað en skemmtilegur og hann er bara hálfnaður :)

Í fyrsta lagi þá er búið að gera þennan dag að degi leikskólans og var okkur foreldrum boðið að koma í heimsókn á Leikskólann í dag. Líka mynd af Bjartmari á Húnhorninu.

Ég dreif mig í morgun, frábært að geta komið þar og fylgst með, margt brallað og þar sem var öskudagur voru auðvitað allir í búning. Bjartmar dreif sig reyndar úr sínum, skil hann svo vel..... :)

06.02.2008-008.jpg

en Margrét fékk samt að mála hann.

06.02.2008-015.jpg

Síðan voru allir drifnir í útigalla og gengu þau niður í búð og banka til að syngja, svo gaman hjá þeim, en "svolítið" MIKIL vinna við þetta allt saman.
Takk takk fyrir mig, virkilega gaman að koma og vera með ykkur í þessa stund í morgun.

Jæja svo var það stóra deildin, Sigurgeir gekk með strákunum um bæinn að syngja og fá nammi.
Ég keyrði þeim smá og þeir drógu mig inn í Apótekið og söðgu að ég ætti að syngja með þeim. Glætan að mér hefði dottið það í hug, þ.e. að syngja en tók mynd af þeim í staðin :)

06.02.2008-021.jpg

Þreyttir og glaðir komu þeir heim með fulla poka af nammi og eru, í þessum skrifuðu orðum, að borða það og horfa á mynd.

06.02.2008-023.jpg

Nú svo er ballið í kvöld.......

Posted by Selma at 02:47 PM | Comments (0)

February 05, 2008

Gauksmýri

Svo mikið að gera hjá manni í skemmtanabransanum að maður hefur bara ekki tíma til að henda hér inn fréttum.

Nú við í saumó fórum á Gauksmýri sl. laugardagskvöld og það var 100% mæting, frábær matur, frábær söngur hjá okkur og frábærlega kósí staður.

02.02.2008-018.jpg


Svo eru það nú öll listaverkin hennar Siggu þau eru bara snilld, þæfðar myndir af hestum og fuglum. Vona að hún hafi listaverkahelgi fyrir okkur í saumó, þ.e. að við lærum þæfingarlistina, við kunnum náttúrunnilega allt annað.
Algjörlega frábær ferð. Á leiðinni heim var næsta skemmtun ákveðin, erum að fara á Sálina 14. mars, allavega nokkrar af okkur ekki allar.
Ein skemmtun í mánuði ætti að duga........

Í gær keypti ég sem sagt miða á Sálina og á Gosa sömu helgi og svo keypti ég líka miða í fræðslu og kynnisferð til Þýskalands á vegum Ökukennarafélagsins sem er frá 27. feb til 2. mars. Held við séum um 20 sem förum.
Svo nóg að gera framundan.

Við Sigurgeir fórum á hestbak í gær, bæði í reiðhöllinni og úti, það var að vísu svo leiðinlegt veður að við fórum bara stutt, var aðallega að sjá hvernig þeim kæmi saman, honum og Gnótt, úti og það gekk bara vel. Ég fór á báðar merarnar bæði á laugardag og sunnudag og þá er bara algjör friður í höllinni. Enginn kominn í hesthúsin um hádegi um helgar :)

Öskudagsball annaðkvöld, ætti maður að fara að sauma........

  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar