Í fréttum er þetta helst....

Færslur: 2008 Janúar

31.01.2008 20:59

Janúar 2008

January 27, 2008

Nú eru það hestar og aftur hestar

Sennilega verður bara skrifað um hesta hér eftir :)

Sigurgeir byrjaði á námskeiðinu sl. fimmtudag á henni Gnótt og það gekk bara svona glimrandi vel......

26.01.2008-004.jpg

og þar sem það gekk svona vel þá mættum við aftur á föstudag til að fara á hestbak. Bjartmar fór líka á Toppu en ég fór svo hins vegar ekkert fyrr en í gær og þá á hana Hugrúnu. Hún stóð undir væntingum og fer ég pottþétt aftur mjög fljótlega. Algjörlega geggjað.....

Ekki svo mikið annað á döfinni, það kemst ekki meira fyrir :) en frestaði mörgum ökutímum á föstudag vegna veðurs, ekki beint það sem ég vildi þar sem það eru próf á miðvikudag en ég og nemendur mínir verðum þá bara að keyra meira í vikunni framundan.

Posted by Selma at 10:13 AM | Comments (0)

January 23, 2008

Á hestbak

Höddi járnaði fyrir okkur merarnar í gær og strákarnir prófuðu Gnótt sem Höddi ætlar að lána okkur í vetur. Algjörlega frábær eins og sjá má á myndinni. Sigurgeir var þarna búinn að taka nokkra æfingahringi, svolítið langt síðan hann fór á bak síðast svo það var um að gera að prófa aðeins fyrir námskeiðið á fimmtudaginn.

19.01.2008-014.jpg

Posted by Selma at 10:39 AM | Comments (0)

January 20, 2008

Tekið inn

Þá eru gellurnar komnar inn :)

19.01.2008-011.jpg

Fórum í gær í Hæli og náðum í Hugrúnu og Toppu. Þar eru þær búnar að vera í góðu yfirlæti síðan í sumar.
Fengum mikið og gott kaffi og þá meina ég kaffi og kökur. Það fengi enginn kökur hér um miðjan dag á laugardegi ef einhverjum dytti í hug að koma í heimsókn. Ég baka bara fyrir saumaklúbba :)
Takk takk Ólöf mín og Jonni.

Fór og hitti Hödda í dag og hann ætlar að járna allar merarnar. Hann lánaði Sigurgeiri eina meri svo hann geti verið með í unglingastarfinu en það byrjar á fimmtudag. Ekki seinna vænna en að taka inn og járna. Svo er bara spurning hvursu dugleg ég verð.........

Í gær var Íslandsmót (norðvestanlands) í fótbolta í 5. flokki og auðvitað mættum við til að horfa á.
Sigurgeir er einhversstaðar þarna í hópnum :)

19.01.2008-004.jpg

Posted by Selma at 06:49 PM | Comments (0)

January 15, 2008

Skemmtilegt veður

Alveg einstaklega skemmtilegt veður til ökukennslu í Reykjavík í gær.
Skrapp sem sagt suður að kenna á sunnudag eftir að ég var búin að kenna hér afmælisbarni dagsins (13.jan). Veðrið var ekki alveg uppá það besta í gær og beið ég bara eftir því allan daginn að einhver keyrði aftan á okkur, en það slapp nú sem betur fer. Get ekki sagt að mér finnist umferðin þar neitt sérstaklega skemmtileg.
En tvíburarnir fóru í próf í morgun og það gekk glimrandi vel. Veðrið var hundleiðinlegt en þau létu það nú ekki á sig fá. Það tók hins vegar svo mikið á foreldrana að þau fara í vikufrí til útlanda á morgun :)
Takk takk fyrir skemmtilega daga :)

Fór á mjög margar útsölur og keypti mér fullt fullt fullt af fötum :)
Fannst samt einhvern veginn að ég væri bara með bónuspoka, hundamat og naggrísamat þegar ég kom heim, fór eitthvað svo lítið fyrir þessum fötum :)

Fékk upphringingu frá Disneyklúbbnum í kvöld þar sem mér var boðið uppá bækur með diski, þar sem einhver mjög "frægur" (íslensk) les söguna, alveg rosalega flott sagði konan. Ég sagði henni nú að ég læsi enn sjálf fyrir mína drengi og sá minni myndi örugglega ekkert vita hvaða "fræga" persóna þetta væri og honum væri ábyggilega alveg sama. Hún sagði þá að þetta væri fínt í bílinn og þar var ég henni alveg sammála svo ég tók tilboðinu. Finn heldur ekki bókakassann með öllum bókum strákanna :)

Posted by Selma at 09:43 PM | Comments (0)

January 12, 2008

Skruppum

Skruppum fram að Þingeyrum í gær að heilsa uppá menn og málleysingja.
Strákarnir voru mjög hrifnir af kisunum og voru að hugsa um að taka þær bara með sér heim sem var auðvitað ekki í boði en þá var bara lögð inn pöntun .....

11.01.2008-002.jpg

11.01.2008-005.jpg


Þar voru allir hressir auðvitað, allt brjálað að gera, búið að taka Hátíð og Gátu inn og gaman verður að fylgjast með þeim :)

11.01.2008-003.jpg

11.01.2008-004.jpg

Posted by Selma at 09:52 AM | Comments (0)

January 11, 2008

Laumast .......

Það var rosalega notalegt í saumó og allar 17 sortirnar kláruðust :)
Nei á nú karamellusúkkulaðistangir eftir í frystikistunni og er búin að uppgötva það að það er frábært að fá sér kaffibolla og laumast í kistuna og fá sér bita, þeir urðu nú alveg 3 í gær :-|
Þar sem við saumóstelpur eigum svo mikla peninga þá ætlum við að bjóða okkur og köllunum út að borða á Gauksmýri 2. feb.
Nú svo vorum við að plana utanlandsferðina næsta haust, okkur hlakkar svo mikið til að fara aftur að við erum strax byrjaðar að spá í það hvert við eigum að fara.

Þarf að skutlast suður um helgina, þar bíða tvíburarnir þeirra Ellu og Himma eftir að komast í próf :)

Posted by Selma at 10:04 AM | Comments (0)

January 08, 2008

17 sortir

Saumaklúbbur í kvöld og ég er búin að baka 17 sortir ... ;)
Fyrsti saumaklúbburinn á árinu og sá fyrsti sem ég held eftir að ég kom hingað aftur. Svo æðislegt. Ég er meira segja búin að baka karamellusúkkulaðistangirnar sem hún Jóhanna mágkona mín á Álftanesi gerir og þær eru svo góðar, allavega hjá henni, veit ekki hjá mér, kemur í ljós í kvöld. Held nú reyndar að þessi ofn sem er í þessu húsi sé ekki alveg að gera sig, samanber kalkúninn sem eldaðist á ofurhraða í þessum ofni á gamlárskvöld. Hann var nú samt góður og heppnaðist mjög vel :)

Í gærkvöldi héldum við Sigurgeir að hundurinn væri að deyja, hún ældi hér um allt og eins gott að það ælustand sé búið og aðrir heimilismeðlimir taki ekki við. Höldum reyndar hún hafi verið að éta nál af jólatréinu og það hafi staðið eitthvað í henni. Hún er allavega við hundaheilsu núna :)

"Áramótabrennan" sem var sl. laugardag var æðisleg og endilega skoðið myndir á síðunni hans Jóns Sig. Veðrið var vægast sagt geggjað og flugeldasýningin flott :)

Nú svo rakst ég á þessar flottu peysur, spurning hvort einhver taki við af peysunni minni sem mamma prjónaði og ég er alveg að verða búin með. Nema ég biðji hana um að prjóna aðra á mig :) Held að hún muni samt ekki treysta sér í neitt svipaðar þessum og ekki myndi ég láta mér detta slíkt í hug að prjóna eina sjálf þó svo ég fengi uppskriftina :)

Posted by Selma at 10:07 AM | Comments (0)

January 03, 2008

Gleðilegt ár

Gleðilegt ár og takk fyrir þau gömlu.
Megi nýja árið veita ykkur gæfu og gleði.

Nú við áttum mjög svo notalegt áramótakvöld. Buðum fjölskyldunni á Eyvindarstöðum í mat og það heppnaðist frábærlega. Strákarnir urðu svo skotglaðir um miðnættið eins og flestir aðrir og þeir allra hörðustu, þessir 10 ára, komu inn um eittleytið og þá var nú eitthvað lítið eftir í kössunum. Við konurnar nenntum ekki út og svo þarf einhver að passa hundinn og naggrísinn því þeim finnst þetta ekkert skemmtilegt. Mömmu finnst þessi skot heldur ekkert skemmtileg en hún var líka hérna hjá okkur. Virkilega skemmtilegt kvöld en allir þreyttir og fóru frekar "snemma" að sofa svona miðað við nýársnótt.

En allavega hér eru myndir af drengjunum með blys :)
Bjartmar tilbúinn í slaginn....

31.12.2007-003.jpg

og Guðmar og Hilmar með sín....

31.12.2007-004.jpg

Sigurgeir með sín blys......

31.12.2007-005.jpg

Síðan þá höfum við nú bara verið í letistuði, það var spila- og perlustund í gær og mamma fór svo suður í dag, Bjartmar fór á leikskólann og ég verð sennilega að reyna að fara að gera eitthvað meira heldur en að sofa og eta :)

31.12.2007-027.jpg

  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar