Í fréttum er þetta helst....

Færslur: 2007 Desember

31.12.2007 20:57

Desember 2007

December 26, 2007

Notaleg jól :)

Letidagur nr. 2 :)
Við Bjartmar höfum verið svolítið góð með það að leggja okkur á daginn, ég er búin að sofa endalaust einhvern veginn og borða þess á milli, alveg óskaplega notalegt.

Við áttum mjög svo róleg og notaleg jól, enginn að missa sig neitt sérstaklega yfir þessu.....

Sigurgeir og Bjartmar búnir að kveikja á kertinu fína

25.12.2007-011-copy.jpg

Nú við fengum ýmislegt skemmtilegt, ég fékk mína draumajólagjöf, kannski aðeins of tæknilegan en rauðbleikur var hann

25.12.2007-027-copy.jpg

og strákarnir lágu hér í tæknilegó og playmó langt fram á kvöld, Benni kom meira segja í heimsókn og hjálpaði Sigurgeiri sem gerði sinn kastala að miklu leiti sjálfur en Bjartmar lét pabba sinn alveg um þetta. Þetta kláraðist á jóladag og útkoman varð mjög góð :)

25.12.2007-034.jpg

25.12.2007-036.jpg

Í gær komu svo Eva Dögg og Jói og þau voru mynduð í bak og fyrir. Æðislegt að fá þau í heimsókn :)

25.12.2007-041.jpg

Posted by Selma at 10:23 AM | Comments (0)

December 24, 2007

Gleðileg jól

Okkar allra bestu óskir um gleðileg jól
og hafið það sem allra best.

Posted by Selma at 05:26 PM | Comments (1)

December 11, 2007

Glugginn

Verð greinilega að taka Gluggann þegar það á við, missti alveg af aðventumessunni og Sigurgeir átti að spila. Fór næstum því að gráta yfir þessu en tek Glugga hér eftir :)

Hér kom maður í gær og færði mér gjöf sem mér þótti mjög vænt um. Mér þótti líka mjög vænt um að hann náði prófinu sl. föstudag.
Nú getur hann keyrt um endalaust :)

Posted by Selma at 03:01 PM | Comments (0)

December 09, 2007

Jólabjöllurnar

Sædís mín, ég er sko búin með 2 bjöllur......

05.12.2007-019.jpg

eru þær ekki bara flottar hjá mér miðað við...... :-|

Fór á Krókinn um daginn (þ.e. fyrir löngu) og sá þessar rosalega flottu hekluðu bjöllur á seríu í glugganum. Ekki málið þessar ætlaði ég nú að gera, keypti garn en það var ekki til heklunál nr. 1,25 svo ég mailaði á stelpurnar í saumó alveg meidei hvort þær gætu lánað mér heklunál. Berglind spurði hvort ég gæti ekki bara notað títuprjóna ;) og lánaði mér heklunál. Aldeilis ætlaði ég nú að fara að hekla en nei nei skildi sko ekki upp né niður í uppskriftinni.
Hitti Ernu alveg óvart og hún fer að spyrja um þessa heklunál mína og sagði mér svo að Sædís væri að fara á námskeið hjá þessari konu sem bjó til bjöllurnar og hún yrði bara að læra að gera þessar bjöllur sem hún og gerði.
Mætti í saumó í síðustu viku með heklunálina og garnið og Sædís kenndi mér og Ernu að hekla þessar bjöllur, bara ekkert mál.
Takk takk Sædís mín að læra þetta og takk Berglind að lána mér heklunál og takk Erna að hafa sent Sædísi í að gera þessar bjöllur á námskeiðinu. Algjörleg snilld að hekla þetta, verð reyndar að nota gleraugun :-| Kannski næ ég á eina litla seríu fyrir jólin :)

Posted by Selma at 10:36 PM | Comments (2)

December 08, 2007

Málað

Ég stend mig greinilega ekki í þessu, spurning um að hætta
þessu bara :-|

En allavega, ég er að mála loftið í stofunni, fékk leyfi hjá Höllu, henni fannst það líka ömurlega ljótt, dökkbrúnn panel, hræðilegur. Allavega er ég að henda á hann hvítri málningu, bara það ódýrasta sem ég fann :)

Um síðustu helgi var opnunarhátíð á nýju álmunni í leikskólanum og við fórum að sjálfsögðu. Bjartmar var að syngja ásmat hinum börnunum. Virkilega flott og þvílík breyting á vinnuaðstöðu fyrir þá sem vinna þar :)

05.12.2007-012.jpg

Sigurgeir missti sig í kortagerð um síðustu helgi og
framleiddi mjög mörg jólakort, virkilega flott hjá honum.

05.12.2007-011.jpg

Ég hins vegar ætla að hafa sama háttinn á og í fyrra, ekki senda nein, styrki eitthvað gott málefni í staðin.

Í gær voru próf hérna og það gekk bara vel að mestu, prófdómarinn kom alveg sérstaklega á Blönduós því það voru svo margir, annars kemur hann venjulega þegar hann er á Sauðárkrókí á miðvikudögum. Hann ætlar að koma aftur 21. des því þá eru líka mjög margir í próf. Verð því að hafa mig alla við til að klára það allt. En gott að hafa eitthvað að gera, ekki er ég að missa mig í hreingerningum og bakstri. Ætlum reynar suður um næstu helgi.

  • 1
Flettingar í dag: 278
Gestir í dag: 33
Flettingar í gær: 135
Gestir í gær: 38
Samtals flettingar: 626519
Samtals gestir: 96282
Tölur uppfærðar: 15.12.2017 19:36:30

Tenglar