Í fréttum er þetta helst....

Færslur: 2007 Ágúst

31.08.2007 20:45

Ágúst 2007

August 30, 2007

Engar fréttir góðar fréttir :)

Jæja þetta gengur ekkert að skrifa hér :)

Hef eiginlega verið að kenna síðan ég kom, allavega þessa vikuna.
Fórum suður um sl. helgi að þrífa og Beggi gerir rest, afhending á húsinu 1. sept. Hann fær bara alveg að sjá um það :)

Nú skólinn er löngu byrjaður hjá strákunum og það er bara gaman.
Höddi kennir 5. bekk og það er frábært.
Hér er mynd frá skólasetningu ...

30.08.2007-019.jpg

Íþróttirnar eru víst eitthvað erfiðar svona eftir sumarið :)
Skráðum okkur í tónlistarskólann sem er "svolítið" ódýrari en tónlistarskólinn á suðurlandinu. Sigurgeir þvertekur fyrir að fara á klarinett og ætlar á saxafón, ég er að reyna að telja honum trú um að það sé betra að læra aðeins betur á það hljóðfæri sem hann hefur verið að læra á en nei hann ætlar sko á saxafón.......
Og af því ég þarf ekki að borga eins mikið hér og þar þá er spurning hvort ég drífi mig ekki bara líka í tónlistarskólann .....


Hér er hér mynd af Bjartmari á hans fyrsta degi í Leikskólanum.

30.08.2007-021.jpg

Nú við Karen höfum verið að hjóla í þessari viku og það hefur bara verið rosalega skemmtilegt hjá okkur báðum .......

30.08.2007-024.jpg

Svo má ekki gleyma saumaklúbb sem var í gærkvöldi, loksins, loksins, loksins og það var frábært......

Posted by Selma at 05:43 PM | Comments (0)

August 23, 2007

Blönduóstown :)

Takk takk fyrir allar afmæliskveðjurnar og kommentin hér á undan :)

Jæja þá erum við komin á "townið" aftur og meira segja aftur á Brekkubyggð 13 :)

Á laugardagsmorgunn mætti stór Flytjanda bíll með pólskum bílstjóra í Kambahraunið kl. 9.10 (átti að koma milli 10-11) en sem betur fer kom hann bara snemma. Þau Guðrún á endanum og Ari og Ævar vinnufélagi hans Begga voru svo aldeilis yndisleg að hjálpa okkur að koma draslinu á bílinn en það tók heila 4 tíma og ekkert smá af drasli, dísús hvað maður getur sankað að sér og notar ekki helminginn af þessu. Sá pólski skildi orðið Blönduós :) Bíllinn var stappfullur og hestakerran og báðir bílarnir líka.
En takk takk elsku Guðrún og Ari og Ævar fyrir alla hjálpina, vá við værum enn að ef þau hefðu ekki komið.
Brunað á Blönduós, komin þangað kl. 21.30. Var ekki Hilmar og krakkarnir hans á ská á móti og Eiður mættir til að taka af bílnum og það tók ekki nema 1 og hálfan tíma. Takk takk fyrir hjálpina.

Og móttökurnar voru nú ekki af verri endanum hérna, Guðrún og Gústi kíktu við um hádegi á sunnudag og buðu okkur í kvöldmat sem við að sjálfsögðu mættum í. Um miðjan dag mættu stelpurnar í saumaklúbburinn með kökur og það var alveg dásamlegt. Takk takk fyrir, ógó sem það var krúttlegt hjá þeim og skemmtilegur kaffitími og svo við í matinn yfir til Guðrúnar og Gústa um kvöldið. Mikið vorum við þreytt þegar við fórum að sofa um kvöldið og meira segja búin að mála eitt herbergi í millitíðinni :)

Fyrir þá sem komu í heimsókn til okkar í Hveragerði takk fyrir það kærlega, fyrir þá sem komust ekki - þið komið bara á Blönduós og fyrir þá sem ég kom ekki að heimsækja á meðan ég var fyrir sunnan hlýt ég bara að gera mér ferð suður í heimsóknir, allavega set ég það á 10 ára planið eins og sl. 10 ár :)

Hér er algjörlega allt í drasli, en það var það líka í Hveragerði allan ágústmánuð :) það skánar örugglega fyrir jól, það fer allavega ekki neitt.

Strákarnir eru báðir byrjaðir í skólanum og það er bara gaman hjá þeim. Ég hef allavega ekki séð mikið af Sigurgeiri síðan við komum hingað, kannski af því það er ekki þverfótað fyrir drasli eða frekar kannski af því það er svo gaman að hitta strákana alla aftur. Honum líst mjög vel á skólann og það er barasta gaman þar.

Bjartmar fór í aðlögun á mánudaginn og það var ekkert mál og vildi bara fara strax á þriðjudagsmorguninn aftur en fór bara eftir hádegi. Hann var svo allan daginn í dag og það gekk glimrandi vel.

Ég er að mála, taka uppúr kössum, kenna, skreppa, mála, taka uppúr kössum, kenna og skutla stráknum úr og í skólann.

Beggi fór suður á mánudaginn í vinnuna í Marel og heldur til í tómu húsinu í Kambahrauni. Við eigum að afhenda það 1. sept og það á eftir að tína restar og þrífa allt húsið. Stefnan er að þrífa það um helgina svo ætli maður skreppi ekki bara suður um helgina :)

Posted by Selma at 10:09 PM | Comments (0)

August 17, 2007

Afmæli í dag :)

Bara að láta ykkur vita að ég á afmæli í dag :)
Er að pakka, brottför á morgun.

Ætla í kaffi til mömmu í dag :)

Posted by Selma at 11:56 AM | Comments (2)

August 12, 2007

Kassar og aftur kassar :)

Já bara svo þið vitað það þá er brottför um næstu helgi. Verð vonandi búin að koma öllu í kassa þá og það sem fer ekki í kassa fer þá bara í ruslið :) Talandi um kassa þá eru bestu kassarinir úr Vínbúiðinni, fórum þangað og fengum marga kassa, man að ég fór líka í Vínbúiðina á Blönduósi þegar ég flutti þaðan og fékk marga kassa. Hefði kannski átt að segja Gallup það þegar þeir hringdu fyrir könnun um Vínbúðarferðir mínar. Fyrsta spurning þeirra var hvort ég verslaði í Vínbúðinni og svarið var auðvitað nei þá náði sú könnun ekki lengra. Hefði átt að segja þeim að það væru fínir kassar þar :)

Þarf að skreppa norður á morgun því það eru 4 í próf á miðvikudag og ekki get ég frestað því, svo aftur suður og norður sennilega á laugardaginn :)
Svo það verður lítið um fréttir hér fyrr en tölvan verður komin í samband á Brekkubyggð 13 :)

Posted by Selma at 10:03 PM | Comments (2)

August 07, 2007

Folaldið undan Hyllingu

Já Hylling er auðvitað löngu köstuð og Gerpla líka en engar myndir...
Gerpla kastaði 13. júlí og átti bleikálótta hryssu undan Álfasteini frá Selfossi en Hylling kastaði fyrir ca 10 dögum, man það ekki alveg verð að spyrja Svanhildi. Það kom móálóttur hestur undan Grun frá Oddhóli og hér er mynd af honum. Rosalega fallegur :)

IMG_2389.jpg

Posted by Selma at 10:43 PM | Comments (3)

August 04, 2007

Gengur bara ekkert

Enn og aftur er enginn tími fyrir skirf.
Var fyrir norðan í marga daga að kenna
og nú er bara að pakka.......

  • 1
Flettingar í dag: 48
Gestir í dag: 21
Flettingar í gær: 309
Gestir í gær: 37
Samtals flettingar: 626598
Samtals gestir: 96307
Tölur uppfærðar: 16.12.2017 20:10:46

Tenglar