Í fréttum er þetta helst....

Færslur: 2007 Febrúar

28.02.2007 20:29

Febrúar 2007

February 26, 2007

Fantagóð ferð

Fórum norður :)

Við S-in fórum norður á þriðjudag, mamma sá um rest hér heima :)

Sigurgeir mætti í Blönduósskóla á miðvikudagsmorgunn og það fannst honum frábært. Fór síðan með Benna og Arinbirni að safna nammi eftir hádegi sem tókst svakalega vel. Þeir löbbuðu út um allan bæ og komu heim með fulla poka af nammi. Vá segi ég nú bara og fannst það nú eiginlega aðeins of mikið. En frábært fyrir þá :)

Fórum síðan á öskudagsskemmtun hjá Grunnskólanum um kvöldið sem var virkilega skemmtileg og hér má sjá búningana þeirra. Elínborg gerði sinn alveg sjálf og fékk líka verðlaun fyrir frumlegan búning.

26.2.2007-002.jpg

26.2.2007-005.jpg

Bjartmar var hins vegar bara á náttfataballi í sínum leikskóla sem var alveg rosalega gaman, hann var málaður tigrísdýr og það var víst ekki vinsælt að þvo það af honum um kvöldið.

Ég var að kenna útí eitt og gátum við því ekki heimsótt mann og annan sem ég hefði nú alveg viljað gera en reyni það bara næst.

B-in komu norður á föstudagskvöld og við fórum í sund á laugardaginn og skruppum svo fram í Eyvindarstaði.
Um kvöldið voru þeir orðnir lasnir og fórum við því bara beint suður þegar ég var búin að kenna á sunnudag. Engar heimsóknir þann daginn.

Virkilega góð ferð norður eins og alltaf.

Í gærkvöldi komu Eiður og mamma í heimsókn, höfðu farið hér sunnudagsrúnt um suðurlandið og endað uppá Gullfossi sem var bara flottur. Komu svo við hér á heimleið í pizzu. Nennti ekki að elda.

Hér liggja svo allir slappir í dag nema Beggi sem fór í vinnuna .......

Posted by Selma at 04:14 PM | Comments (2)

February 18, 2007

Við klikkum ekki

Við klikkum ekki rauðhausarnir, minn maður langflottastur.
Var og er samt að velta fyrir mér hvað varð um æskudýrkunina á Íslandi.

Posted by Selma at 10:55 PM | Comments (0)

February 16, 2007

Brosi gegnum tárin

Þá brosir maður hringinn næstu daga með tárin í augunum :)
Mikið rosalega er ég með flottar tennur.
Held alveg að ég geti brosað á myndum hér eftir.
Takk Guðrún frænka hans Begga og Jóna tannsmiður á
Tannlæknastofu Guðrúnar Jónsdóttur á Garðatorgi.
Jóna hringdi í mig í gær og spurði hvort ég gæti aðeins komið við hjá sér að kíkja á tennurnar. Ég hélt ég gæti ekki komið "aðeins" við því ég væri bara í Hveragerði. Sagði henni að ég treysti henni alveg til að sjá um þessar tennur og útkoman er bara frábær. Ég er virkilega ánægð.

Posted by Selma at 07:45 PM | Comments (0)

Tónleikar í kirkjunni

Í gær voru svæðistónleikar í kirkjunni þ.e. Tónlistarskóli Árnesinga býður okkur foreldrum og öðru áhugafólki að koma og sjá krakkana spila. Það eru nokkrir slíkir tónleikar yfir veturinn, allavega 2 í kirkjunni og svo nokkrir minni bara í skólanum. Í gær voru 25 lög spiluð, á ýmis hljóðfæri, ýmist ein eða í hóp. Virkilega flott og skemmtilegt. Bjartmar var hrifnastur af strák sem spilaði eigin tónsmíð á trommur. Hann var frábær. Svo var flottur fiðluleikari þarna sem spilaði langt lag án nótna, stelpa á svipuðum aldri og Sigurgeir og sé það í hendi mér að ef hann æfði sig meira gæti hann nú kannski spilað án nótna. Ég yrði þá að gera eitthvað í því þ.e. að hann æfi sig meira. Hann spilaði þarna ásamt stelpu sem ég veit ekki hvað heitir.

11.2.2007.jpg

Virkilega flottir tónleikar.

Mæting kl. 12 hjá tannlækni að fá nýju tennurnar, spurning hvað maður tekur næst fyrir í Extreme Makeover :)


Posted by Selma at 09:09 AM | Comments (0)

February 11, 2007

Afmæli

Þórgnýr átti afmæli 8. feb og við mættum í afmælisveisluna hans í gær. Alltaf svo gott að komst á Álftanesið, takk fyrir það, alveg rosalega flott afmæli :)

Tókum stól, sem þarf að laga, hjá mömmu í leiðinni útá Álftanes og fórum með til Elínborgar bólstrara. Hann var svo þegar allt kom til alls með brotna grind og tókum við hann því aftur. Við grínuðumst með það að þetta yrði nú svolítið dýrt fyrir mömmu þar sem búið var að kalla út 3 iðnaðarmenn á laugardegi til að taka stólinn í sundur og fletta af honum áklæðinu. Við tókum hann sem sagt með okkur aftur því Beggi ætlar að sjóða saman stálgrindina undir honum. Svo fær Ella hann aftur.

Sigurgeir spurði í gær hvenær við færum næst í búð, hann þyrfti að kaupa safa í sólskinsdrykkinn sem hann langaði að búa til fyrir okkur. Ekki það að það sé einhver sól hér heldur sennilega bara heilsuátak hjá honum. Í dag fórum við aðeins í Hagkaup að kíka á þessa dýrindis grímubúninga sem við "urðum" að skoða. Keyptum það sem þurfti í sólskinsdrykkinn og líka grímubúninga svo sem :(

Sigurgeir dreif sig svo í að búa þetta til þegar hann kom heim og hellti svo í glös handa okkur. Mjög góður drykkur :)

11.2.2007-020.jpg

Hér er svo mynd af okkur Bjartmari og Kol en við höfðum það gott á meðan þeir stóru strákarnir voru að þrífa búrið hans í morgun.

11.2.2007-011.jpg


Sá Kompás í kvöld og er mjög fegin að eiga fulla frystikistu af lambakjöti frá SAH og fisk sem við fáum beint úr skipi.

Posted by Selma at 08:36 PM | Comments (2)

February 07, 2007

Á hestbak

Fór alla leið í Neðra-Sel á hestbak á Hugrúnu í gærkvöldi. Það var meiriháttar og lá við að ég svæfi með hestafötin því það er svo góð lykt af þeim :)

Guðrún Ben kom í gær og fór með okkur í útsýnisferð upp í Garðyrkjuskóla. Það var rosalega gaman og ég sá að við gætum ræktað banana í gróðurhúsinu okkar. Mörg bananatré þar í gróðurhúsi.
Hún gaf okkur svo blómaskreytingu sem hún hafði gert áður um daginn. Gaman að fá blóm. Í hádeginu kíkti hún aðeins við þar sem Vínbúðin í Hveragerði opnar víst ekki fyrr en kl. 14.00 en hana vantaði flösku í skreytingu sem þau áttu að gera strax eftir hádegið. Ég gaf henni rauðvínsflöskuna sem ég fékk í jólagjöf frá "vinnunni". Reikanði ekki með að ég drykki úr henni á næstunni :)

Tek mér það bessaleyfi að setja mynd af skreytingunni hér með sem hún sendi mér úr símanum sínum. Meiriháttar flott :)

blom.jpg

Posted by Selma at 08:18 PM | Comments (0)

February 05, 2007

Fór norður

Tekin skyndiákvörðun á fimmtudag að fara að kenna fyrir norðan um helgina. Beggi hélt kannski að hann þyrfti að fara út í þessari viku og ég var búin að safna upp nemendahóp fyrir norðan svo ég ákvað að drífa mig. Fór á Skagaströnd að kenna á föstudag. Var að reyna að sleppa við það að til mín sæist á Blönduósi á föstudag þar sem ég ætlaði að vera leynigestur í afmælið hennar Ólafar. Það tókst næstum því en þegar stelpurnar í saumó voru á leiðinni út úr Blönduós þá sáu þær til mín. Hmmm ótrúlega eftirtektasamar :)

Frábært afmæli hjá Ólöfu, takk fyrir það.

Kenndi allan laugardaginn og fór svo á þorrablótið - hreppa :)
Það var frábært en frekar þreytt í kennslunni á sunnudag.

Kom heim í gærkvöldi og fór beint að sofa :)

  • 1
Flettingar í dag: 278
Gestir í dag: 33
Flettingar í gær: 135
Gestir í gær: 38
Samtals flettingar: 626519
Samtals gestir: 96282
Tölur uppfærðar: 15.12.2017 19:36:30

Tenglar