Í fréttum er þetta helst....

Færslur: 2007 Janúar

31.01.2007 20:27

Janúar 2007

January 30, 2007

Vá maður

Vá hvað þetta var spennandi leikur,
hér voru allir að fara yfirum :)
Ferlega fúlt að tapa svona en
þeir eru frábærir og
mikið er gaman að horfa á svona spennandi leiki.

Posted by Selma at 10:01 PM | Comments (0)

Ekkert nýtt hér

Ekkert svo sem nýtt hér, Beggi er veikur, Bjartmar var með þessa pest um síðustu helgi, spurning hvort við S-in sleppum :)

Allt gengur út á handbolta þessa dagana, held að yngri drengirnir hafi haldið að ég væri alveg að fara yfirum í þarsíðasta leik sem var alveg rosalegur, vona að leikurinn í kvöld verði jafnskemmtilegur.

Sigurgeir fór með vini sínum Davíð Erni á körfuboltaleik á sunnudagskvöldið þar sem Hamar/Selfoss unnu Keflavík. Honum fannst þetta alveg rosalega skemmtilegt. Trúði honum sko alveg.

Enn og aftur til tannlæknis á morgun, ég get ekki farið norður á þorrablótið með bráðabirgðatennur, það er ekki hægt að láta sjá sig með þessar tennur, mæti bara norður með splunkunýjar tennur og get þá brosað framan í heiminn :)

Posted by Selma at 06:03 PM | Comments (0)

January 24, 2007

Gekk vel en engin mynd

Það voru ekki teknar myndir :)
og ég var bara deyfð allan hringinn. Hlustaði á borana í eina og hálfa klukkustund, á ekki ipod og fann ekki geislaspilarann svo ég varð bara að hlusta á borana eins og hvað þeir eru skemmtilegir. En allt hafðist þetta og ég fór heim með bráðabirgðatennur sem fara nett í mig, mér finnst eins og ég sé með hrossatennur en ég hef nú reyndar upplifað
slíka tilfinningu áður svo næstu verða vonandi frábærar.
En Guðrún tannlæknir er alveg frábær, mæli alveg með henni.

Annars ekkert að gerast hér nema bara þetta venjulega.

Posted by Selma at 09:32 PM | Comments (0)

January 22, 2007

Mynd fyrir og eftir

Á maður ekki að taka mynd fyrir og eftir.......

Er að fara á morgun og ég kvíði þvílíkt fyrir.....

Posted by Selma at 10:02 PM | Comments (3)

January 16, 2007

Extreme Makeover

Jæja þá er komið að fegrunaraðgerðunum þegar hinar 30 ára gömlu "krónur" (framtennurnar) verða rifnar úr mér. Mikið óskaplega kvíði ég því að mæta næsta þriðjudag til tannlæknisins þar en hún mun saga burt þessar gömlu .........
Fór sem sagt til tannlæknis í dag og fer aftur næsta þriðjudag......

Beggi kom heim á laugardaginn eftir 10 daga í Noregi.
Sigurgeir var í prófum í síðustu viku og var hann sendur heim með þau svo við gætum "sett út á þau" og skila þeim svo í foreldraviðtalinu á morgun.

Annars er allt við það sama, kalt og snjór sem ég "fíla" ekkert sérstaklega.

Nú svo er Hugrún, þ.e. ein af hryssunum mínum, ekki Hugrún Sif eða einhver önnur :) komin inn og á nú að byrja á 3 ára prógrammi með hana. Gott að hafa einhver markmið :)

Ætla að senda ca 3 stykki hross norður einn daginn, annað ekki ákveðið í hrossamálum.

Posted by Selma at 04:35 PM | Comments (3)

January 09, 2007

Langur dagur

Byrjuð í jóganu aftur, var farin að sakna þess all rosalega og ég er svo ánægð með sjálfa mig að drífa mig :)

Þegar það var búið þvoði ég bílinn minn sem var svartur af tjöru því mæta átti ég á Álftanesið í dag að kenna þar tvíburum sem eru 16 ára í dag, til hamingju með daginn fjölskylda.

Vandi strákana mína undir húsfrúna sem er skólasystir mín frá Húnavöllum og alltaf jafngaman þegar ég kemst í að kenna börnum skólasystra minna, þá kemst ég í kaffi og langt spjall og börnin þurfa að bíða óratíma eftir mér á meðan...... en við keyrðum og það gekk vel :)

Í miðri kennslu hringdi fósturfaðir minn hann Magnús bara svona til að segja mér að hann væri á Landspítalanum í þræðingu sem fram fór í gær og gekk vel.... við fórum því eftir kennslustundirnar í heimsókn til hans á Landspítalann og stoppuðum þónokkuð lengi. Hittum þar Svandísi og systir Vallýar að vestan og svo auðvitað Magga og Höllu.

Hittum mjög margt fólk í dag og mikið ofboðslega var það gaman :)

Komum heim rétt fyrir Prison Break..........

Beggi kemur ekki heim á morgun, átti ég eitthvað von á því? Nei, held ekki. Kemur kannski á laugardag, spurning hvort við eigum að fara norður um helgina að kenna ........

Posted by Selma at 09:50 PM | Comments (0)

January 07, 2007

Rauð peysa

Fór í vinnuna á fösutdaginn sem er ekki í frásögur færandi nema ég plataði samstarfskonu mína, eða hún plataði mig :) í að drífa okkur í Kringluna og kaupa á mig kjól af því ég var að tala um að mig langaði svo í kjól þar sem mér hafði ekki dottið í hug að fara og versla föt fyrir jólin, nýkomin frá Kaupmannahöfn.
Við drifum okkur í Oasis og fundum nokkra kjóla, hún rétti mér og ég mátaði, fundum þennan flotta kjól :) á 6.000. Hann var á 12.000 fyrir jól, pæliði í þessu verðlagi, já ég veit þið gerið það.

Til að toppa þetta skrapp ég aðeins í Next og keypti mér rauða peysu, hef ALDREI farið í rauða peysu áður svo þetta verður alveg nýung enda er ég í klössun á allan hátt :)

Annað ekki fréttnæmt, allt við það sama hér og stóra B-ið er bara í Norge að vinna.......

Posted by Selma at 12:27 PM | Comments (0)

January 02, 2007

Gleðilegt ár

Gleðilegt ár kæru vinir og vandamenn :)

Já tíminn líður og senn kominn 3. janúar og Beggi aðeins að skreppa til Noregs á morgun, að vinna í nokkra daga :)

Fórum í heimboð til Jóhönnu og Alberts 30. des ásamt mömmu, Gumma, Helgu og Jóhanni. Alveg meiriháttar, takk fyrir það.
Gunna, Gústi, Benni og Elínborg komu svo til okkar um kvöldið
og það var líka meiriháttar.

Strákarnir fóru á brennuna á gamlárskvöld og misstu sig svo í flugeldunum, eins og margir aðrir. Við gellurnar þ.e. ég, mamma og Salka horfðum bara á Frostrósir. Salka verður alveg ær við þessar sprengingar svo það er ekki nokkur lifandi leið að skilja hana eftir eina inni og nötrar af hræðslu ef hún er úti svo ég hef góða ástæðu að vera bara með hana inni.

Á nýársdag kenndi mamma Sigurgeiri kapal og þau lögðu kapal af miklum móð fram yfir hádegi. Rosalega gaman og nú situr hann og leggur kapal í tíma og ótíma :)

Posted by Selma at 10:34 PM | Comments (3)

  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar