Í fréttum er þetta helst....

Færslur: 2006 Mars

31.03.2006 19:48

Mars 2006

March 30, 2006

Flensa

Frábær fermingarveisla sl. sunnudag en þegar við komum heim lagðist Beggi bara í flensu og fór ekki í vinnuna fyrr en í dag.

Mánudagur: Á meðan þeir lögðu sig feðgarnir spilaði Sigurgeir fyrir mig á klarninett :)


Annars er það að frétta að við fengum úthlutað sumarbústað á Spáni hjá Félagi járniðnaðarmanna 21. júní í tvær vikur. Það verður auðvitað ekkert nema gaman, vona að það verði ekki voðalega heitt :)

Skrapp með Helgu í Miðengi að sjá ungfolasýningu í Ölfushöllinni og sá þar flottan fola undan Hrym frá Hofi (Hrymur er undan Hlökk bara ef þið skilduð ekki vita það) :)
Þessi á myndinni er nú reyndar ekki hann :/
Margir flottir folar þarna og bara spurning um það hvað maður á að halda mörgum merum í vor. Við eigum jú slatta....

Posted by Selma at 11:34 AM | Comments (1)

March 25, 2006

Fermingar, fermingar........

Fermingarvertíðin að hefjast, byrjar á morgun hjá Berglindi Björgu þeirra Sollu og Valda. Við erum búin að fá 4 boðskort og vitum ekki annað en við fáum allavega 2 í viðbót svo 6 fermingarveislur framundan, veiiiiii. Gaman gaman að hitta alla :)

Posted by Selma at 11:05 AM | Comments (2)

March 20, 2006

Snilldar helgi.......

Helgin var snilld í einu orði sagt :)

Fór norður á fimmtudaginn og kenndi slatta þá, kenndi allan föstudaginn en náði að komast í hesthúsið hans Tryggva og aðeins í Reiðhöllina og sá nokkur flott atriði sem voru á sýningunni á laugardaginn. Sá einn af mínum uppáhaldshestum hann Laufa frá Kollaleiru og eiganda hans og náði meira segja mynd af þeim, bara inní hesthúsi en það var bara allt í lagi. Ég fékk meira segja að koma við hestinn ....... ;)

Af merunum mínum öllum er það hins vegar að frétta að Hylling er í góðu formi, Hugrún er klárgeng og er komin í frí og Hending er meidd og verður í fríi í einhverjar vikur í viðbót. Svo þar fór draumurinn um þrjár á landsmót en maður á sér bara aðra drauma í staðin :)

Laugardagurinn rann upp bjartur og fagur og ég fór víða í kaffi og átti virkilega góðar stundir með góðu fólki.......

Brunaði heim og ætlaði að vera komin heim um 15 en það dróst mjög svo. Beggi minn reddaði bara matarboðinu, átti nú ekki von á öðru en að honum tækist það bara vel upp. Hann fékk reyndar þvílíkt tak í bakið þegar þeir feðgar voru að ryksuga, ekki gott að gera suma hluti of sjaldan..... svo við erum hérna bæði skökk og skæld í bakinu :)

Á leið minni heim kom ég við í Kópavogi hjá Sollu frænku minni en hún var búin að smíða fyrir mig þessa þessa fallegu skartgripi sem ég ætla að gefa í skírnar-fermingar-afmælisgjafir. Tek myndir af þeim og set hér inn þegar fermingar-skírnar-afmælisboðin verða búin. Hún er algjör snilli og frábærlega fallegir hlutir sem hún gerir. Ég mæli eindregið með henni.
Nema hvað ég var ekki komin heim fyrr en kl. 18 og þetta reddaðist auðvitað allt saman. Allir mættir uppúr 19.30, þ.e. mamma, Albert og fjölskylda, Gummi og fjölskylda og Fanney og fjölskylda. Virkilega notalegt kvöld og góður matur hjá Begga.
Ég þvoði upp hins vegar :)
Hér eru myndir af yngri kynslóðinni.


Sunnudag fórum við í Neðra-Sel í skírnarveislu sem byrjaði auðvitað með skírnarathöfn í kirkjunni. Falleg messa og daman fékk nafnið
Edda Margrét.

Flottust og getið þið hver saumaði þennan kjól. Þessi kjóll var saumaður á Reykjaskóla árið 1980 held ég, svo hann er nú alveg kominn til ára sinna eins og eigandinn, hahahahahahaha. Yndislegt að þau vildu skíra hana í þessum kjól og Edda Margrét tók sig vel út í honum sem og önnur börn sem hafa verið skírð í honum.

Sumir voru hins vegar frekar þreyttir og lögðu sig bara á meðan á messu stóð


Posted by Selma at 01:40 PM | Comments (3)

March 16, 2006

Dagurinn í dag

Beggi er í fríi í dag og á morgun af því hann er búinn að vinna tvær helgar í röð og þar sem ég þar auðvitað að skreppa norður að kenna þá nýti ég mér það núna.

Dagurinn í dag byrjaði hins vegar á því að ég skrapp til kírópraktorsins strax í morgun, fór svo beint upp í Miðengi og svo á Selfoss að kenna, síðan í Hveragerði að ná í eina og aftur á Selfoss og svo er bíllinn í prófi núna. Kl. 4 næ ég í bílinn bruna norður, kenni í kvöld, á morgun og kannski fram að hádegi á laugardag og suður aftur því það er matarboð hérna á laugdardagskvöldið sem Beggi sér auðvitað um - hann klikkar ekki á slíkum smámunum. Á sunnudag förum við svo í skírnina hjá litlu dömunni í Neðra-Seli og ég hlakka ekkert smá til.

Posted by Selma at 02:38 PM | Comments (1)

March 11, 2006

Myndir

Bara að setja hérna inn nokkrar myndir svo þið gleymið ekki hvernig við lítum út.

Sigurgeir duglegur við lærdóminn, það þarf nú aldrei að hafa áhyggjur af því hann bara fer og lærir allt það sem hann setti sér fyrir.


Bjartmar fékk þetta hjól lánað í næsta húsi og dröslaði því inn auðvitað, fékk smá hjálp við það, mikill tækjaáhugamaður :)


Svo kom litla prinsessan í Neðra Seli í heimsókn og við mátuðum hana svolítið, hún var ekkert sérstaklega glöð og var ég að reyna að hossa henni eitthvað en svo var hún bara eins og ljós hjá Begga :)


Posted by Selma at 08:06 AM | Comments (1)

March 10, 2006

Kírópraktor

Getur einhver sagt mér hvert tíminn fer, hann allavega stoppar ekkert við hjá mér.

Nema hvað Beggi fór til Þýskalands í morgun og verður fram á þriðjudag, hann var líka að vinna um síðustu helgi en var þá bara í henni Reykjavík.
Ég ákvað hins vegar að fá kvef og hausverk sem gerist alveg sárasjaldan en ég þarf samt að kenna slatta, leggjast í bókhald, fara til Reykjavíkur til kírópraktorsins sem ég ákvað að fara til því bakið á mér var ekkert að skána og best fannst mér að sitja alla daga og safna spiki svo ég ákvað að finna mér eitthvað annað en pillur og hitti Höllu sem býr ská á móti og hún benti mér á einn. Fór á miðvikudaginn og ég hef aldrei séð jafn lítið eftir peningum og fyrir þennan tíma og aftur í morgun. Svo jafnframt því að keyra til Reykjavíkur í nokkurra stunda vinnu á morgnana keyri ég núna til læknis og heimsóknin þar tekur 10-15 mín. Vá hvað maður hefur alltaf jafngaman af að keyra :)

Árshátíðin hjá yngra stigi var í gær og hún var æðisleg nema ég mætti með batteríslausa upptökuvél og frétti það þegar ég kom heim að það er aukabatterí í töskunni, ég og vélar förum ekki saman :/ en allavega var gaman.

Bjartmar er alltaf samur við sig, hann er á spyrja tímabilinu núna og spyr endalaust hvað er þetta mamma, hvað er þetta pabbi.....

Posted by Selma at 01:15 PM | Comments (0)

March 02, 2006

"Tíminn"

Jæja eitthvað líður tíminn nú hratt - síðasta færsla 21. feb og nú er kominn 2. mars, ja hérna og ég man akkúrat ekki neitt hvað ég var að gera alla þessa daga, það hlýtur að hafa verið afar merkilegt allt saman fyrst ég man það ekki. Ég man þó að ég er búin að fara í bæinn að vinna nokkrum sinnum, í bæinn á hundafund, baka bollur, kaupa bollur, eta bollur, austur á hestbak, kenna fyrir eitt próf á Selfossi, fara með bílinn í smur, vetrarfrí í skólanum, öskudagsskemmtun í íþróttahúsinu, ekkert saltkjöt og baunir á þessu heimili, Beggi fékk saltkjöt í vinnunni sinni og líka Bjartmar í sinni vinnu :) - Sigurgeir vildi sko ekki kjöt og þá var ég ekkert að nenna að hafa fyrir mig eina - ekki er hægt að leggja á B-in að fá 2x saltkjöt sama daginn. Strákarnir fóru í sund á laugardaginn og ég var bara að pappírast á meðan eins og marga aðra daga....... og alveg dásamlegir tímar framundan í því, skattframtal og svoleiðis :)

 

  • 1
Flettingar í dag: 278
Gestir í dag: 33
Flettingar í gær: 135
Gestir í gær: 38
Samtals flettingar: 626519
Samtals gestir: 96282
Tölur uppfærðar: 15.12.2017 19:36:30

Tenglar