Í fréttum er þetta helst....

Færslur: 2005 Október

31.10.2005 22:13

Október 2005

October 27, 2005

Rúnturinn í Hveragerði

Eitthvað svo mikið að gera eða hvað..... engin skrif í marga daga.

Við erum auðvitað bæði löngu komin heim og ég er að fara norður aftur á morgun ef veðrið verður gott, sýnist nú ekki vera útlit fyrir það reynar, allavega ekki á laugardag og sunnudag, sé til hvort það breytist eitthvað í kvöld, þ.e. veðurspáin!

Nú við Bjartmar erum farin að taka Hveragerði út á morgnana því ég á víst ekki vistun fyrir hann fyrr en kl. 8 - ekki 2 mín í eins og ég hef verið að gera undanfarna 2 mánuði. Ef það er eitthvað sem ég þoli ekki þá er það að vera of sein með Sigurgeir í skólann en ég hef bara farið með Bjartmar strax þar á eftir sem er þá u.þ.b. 2-4 mín í 8.
Nema hvað á mánudagsmorgunn þegar ég mætti með Bjartmar var ég spurð að því hvort ég vildi fá korterið, ég kom alveg af fjöllum en þá var mér bent á það að ég kæmi alltaf með hann of snemma því ég væri með vistun frá kl. 8 en ekki 2 mín í eins og ég hef verið að koma með hann sem þýðir korter.
Þannig að núna er það spurningin á ég að fara með Sigurgeir seint í skólann, sem væri óþolandi fyrir hann, fara á rúntinn í Hveragerði í ca 3-5 mín á hverjum morgni eða kaupa þetta andsk...... korter sem mér finnst óþolandi þar sem ég kaupi tíma til 13 og er alltaf búin að ná í hann uppúr hálf eitt. Arggggg..............

Í fyrradag var bekkjarkvöld hjá 3. bekk og það var mjög vel heppnað, allir krakkarnir komu með atriði, misstór og löng en flest frumsamin sem var mjög gaman. Sigurgeir valdi að vera í les- og brandarahópnum en þar voru þau 3 og hann las sögu sem hann samdi í fyrra. Síðan var tertuhlaðborð, svona eins og ein góð fermingarveisla og það var auðvitað frábært. Heim fórum við glöð og ánægð.

Posted by Selma at 09:46 AM | Comments (2)

October 20, 2005

Með á prjónunum

Sigurgeir mætti heim með á prjónunum í dag og sat örugglega heila tvo tíma og var að prjóna, alveg yndislegt að horfa á hann prjóna. Hann er að prjóna orm segir hann, veit ekki hvað hann á að vera langur.

Í fyrramálið er ég að fara að kenna í Reykjavík, reyna að kíkja á litla frænda minn og ná í mömmu því ég þarf að skreppa norður að kenna og hver reddar manni annar en hún mamma mín. Beggi kemur ekki fyrr en á sunnudagsmorgun og því ætla ég skjótast norður á morgun og til baka á laugardaginn og nenni ekki að drösla öllu genginu með mér svo mamma sér um strákana og Sigurgeir um hundana. Hann verður víst á kaupi við það skilst mér. Mamma fær auðvitað ekkert kaup frekar en vant er :-)

Kem til baka á laugardagskvöld svo við getum sótt Begga á flugið á sunnudagsmorgun eða kannski bara í Marel þá þurfum við ekki að vakna eins snemma.

Posted by Selma at 10:04 PM | Comments (0)

October 19, 2005

Kleif hamarinn

Geðveikt veðrið þessa dagana. Búin að klífa hamarinn í morgun, það var auðvitað meiriháttar eins og alltaf. Fór líka í gær, vá :-)

Nú hér gerist svo sem ekki neitt. Hitti Möggu í næsta húsi í morgun hún var líka í morgungöngu og við ákváðum að hittast í kaffi næsta miðvikudagsmorgunn og fá aðrar tvær með okkur hérna úr götunni, þ.e. þessum botnlanga. Það eru 10 hús við hann og við erum 4 heima á morgnana, ein slapp nýlega út að vinna fyrir hádegi svo hún fær bara ekkert að vera með. Það verður gaman.

Beggi er enn í USA-hreppi og kemur um helgina, alltaf sama fjörið hjá honum skilst mér. Spurning hvort ég ætla norður um helgina eða ...... hmmm alltaf mál með þessa hunda. Annars er Salka búin að vera í hvolpaleyfi í 4 mánuði hjá Helgu og hún kom svo óskaplega vel vanin til baka þannig að það er núna spurning hvort við sendum ekki bara Perlu þangað líka svo hún verði einhvern tíman að hundi :-)

Posted by Selma at 11:34 AM | Comments (2)

October 15, 2005

Annar frændi

Við eignuðumst lítinn frænda í gær, eins og ég segi bara strákar í þessa fjölskyldu. Ólöf "litla" frænka mín sem er orðin stór átti 13 marka
strák í gærkvöldi og allt gekk vel. Þá eru Gummi og Helga orðin afi og amma hahahahha og mamma langamma. Vá.

Nú ég sletti í smá slátur í gær, bara svona til að hafa á tillidögum.
Okkur finnst það svo gott en hér kaupir maður bara slátur í kassa og fær alles, saumaðar vambir, niðurbrytjaðan mör og sláturnælur svo bara að hræra, henda í og næla saman.

Guðrún og Gústi droppuðu hér við í gær á leið frá Selfossi í bæinn, Guðrún vann nafnasamkeppnina hjá Mjólkursamsölunni um nýtt nafn á sameinaða fyrirtækið sem var bara MS auðvitað hvað annað. Æðislegt að fá þau í kaffi. Takk takk.

Posted by Selma at 09:34 AM | Comments (0)

October 13, 2005

Aftur til USA

Keyrðum Begga í flug í gær til USA, það var ákveðið á mánudag að hann færi aftur til Denver og verður ca 10 daga. Hann verður búinn að safna sér svo miklum ferðapunktum þegar við förum til Boston um páskana að hann kemst þá frítt hlýtur að vera.

Svo keypti ég mér flug í gær til London 4. nóv. Er að fara að hitta tvær aðrar kerlingar sem voru með mér í Boston árið 1985-1986 svo við erum að halda uppá 20 ára afmælið. Önnur er sænsk og er búin að búa í London lengi, hin er hollensk og er læknir, búin að fara víða, en er að læra núna í London. Svo það verður gaman. Læt hérna mynd af okkur fylgja með. Hún er tekin vorið 1986 eða rétt áður en ég kem heim. Erum við ekki flottar. Þessi hollenska er við hliðina á mér og sú sænska er með gleraugun.


Nú annað er ekki markvert nema ég er að fara að sækja
Sölku til Helgu en hún er búin að vera í fæðingarorlofi þar í 4 mánuði. Átti 7 stykki ef þið vitið um einhvern sem langar í hvolp þá er eitthvað eftir. Svo ætla ég í Nóatún að sækja mér slátur, verð að hafa eitthvað að gera um helgina :-)

Posted by Selma at 08:33 AM | Comments (3)

October 10, 2005

Lítill frændi

Gleymdi nú alveg að segja ykkur að við eignuðumst frænda á fimmtudaginn, Jóhanna og Valli eignuðust strák, til hamingju með það. Það koma bara strákar í þessa fjölskyldu. Það gekk allt vel og hann var 18 merkur. Þau sendu út sms þegar hann var fæddur (kl. 1.05) og þar sagði; "barnið er fætt" og þið getið nú rétt ímyndað ykkur hvað ég var forvitin þegar ég sá sms-ið þegar ég vaknaði.

Þriðji í afmæli var svo á laugardaginn og ég bakaði auðvitað helling því það er svo gaman. Svo fórum við í afmæli í Furuhjallann til Eyþórs þeirra Sollu og Valda í gær og komumst aftur í kökur :-)Hann var 9 ára.

Við fórum líka í gær að heimsækja Guðrúnu Lilju og Jón Ásgeir en þau keyptu sér iðnaðarhúsnæði út á Seltjarnarnesi og útsýnið er geðveikt flott. Þau eru að breyta því í íbúðarhúsnæði og skirfstofur. Alveg rosalega skemmtileg hönnun hjá þeim.

Nú við Bogga fórum í mótorhjólatíma nr. 2 á laugardaginn því ég var uppá Akranesi þar áður. Við fórum þarna marga hringi og ég get farið í áttur en þær eru nú bara svolítið stórar ennþá. Það lagast auðvitað í næsta tíma :-)

Á laugardagskvöldið fórum við niður í Villingaholt eitthvað að ná í Gerplu sem var hjá Huginn frá Haga. Við fórum í Miðengi og fengum lánaða kerru og skiluðum svo kerrunni, merinni og folaldinu í Miðengi, takk Helga.

Posted by Selma at 11:24 AM | Comments (0)

October 04, 2005

Mikið fjör

Það var afmælispartý nr. 2 hjá Sigurgeiri í dag og eins og góðri
mömmu sæmir þá bakaði ég auðvitað og bjó til vörubíl með kerru úr skúffuköku. Hefði nú átt að hafa hann bláan en var í svolítilli tímaþröng. Pallurinn og kerran voru svo fyllt með nammi.

Hann bauð nokkrum krökkum úr bekknum sínum og það var þvílíkt stuð, þau fóru í flöskustút og það entist þeim í 1 og 1/2 tíma
og það sem valt uppúr þeim.......

Eftir það var farið í gátuleiki, hann fór uppí rúm og las gáturnar fyrir krakkana og auðvitað þurfti Bjartmar að lesa líka.

Posted by Selma at 09:49 PM | Comments (0)

October 03, 2005

VÁ VÁ VÁ.....

VÁ VÁ VÁ segi ég nú bara, meiriháttar skemmtun á Landsmóti lúðrasveita og mikið rosalega vorum við þreytt þegar við komum heim í gær. Þarna voru um 800 krakkar sem skipt var upp í fimm hópa, gulur, rauður, grænn og blár og svo C/D og æfði hver hópur fyrir sig, annars vegar nokkur lög með stjórnanda og svo með Sigrúnu og Paul Griffiths heilt tónverk. C/D sveitin hélt hins vegar tónleika víðs vegar um bæinn. Útkoman var FRÁBÆR og á sunnudaginn spilaði hver hópur fyrir sig en síðan allir hópar saman þetta frumsamda verk sem Sigrún og Paul unnu með þeim um helgina.

Algjörlega FRÁBÆRT og mikið er ég glöð að hafa fengið tækifæri að fá að fara með. Hins vegar var ég ekki eins glöð þegar ég skoðaði allar myndirnar mínar sem ég tók í ferðinni en eins og áður segir einhversstaðar þá eigum við ekki alltaf samleið myndavélin og ég og það gerðist akkúrat í þessari ferð.
Það komu samt nokkrar ágætar og á þessari fyrstu er verið á æfingu en þar sat hann við hliðina á krökkum frá Blönduósi/Skagaströnd, ekki slæmt það, þau voru í gulum hóp.

Þessi er af öllum hópunum saman í Íþróttahúsinu...

og síðan var Beggi auðvitað búinn að baka köku þegar við komum heim, þ.e. hann bakaði hana á laugardaginn því þeir B-in komu auðvitað uppeftir í gær að horfa á. Þá er minn maður orðinn 8 ára :-)

  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar