Í fréttum er þetta helst....

Færslur: 2005 Maí

31.05.2005 22:00

Maí 2005

May 29, 2005

Bjartmar blómálfur


Posted by Selma at 09:53 PM | Comments (3)

Komin heim aftur

Ótrúlegt hvað þessar helgar eru fljótar að líða, aftur komið sunnudagskvöld. Gerði nú ýmislegt en aðallega að kenna, fór nokkrar ferðir á Skagaströnd í þeim tilgangi. Fór eina ferð í Vatnsdalinn að nema tölvufræði hjá Hörpu E. auðvitað og drekka mikið kaffi hjá henni og spjalla um eitt og annað. Kom líka við í Borgarnesi á leiðinni heim og tók nokkur blóm meðferðis þaðan. Þau hljóta að dafna vel í rigningunni í Hveragerði, nótabene það er nefninlega rigning hérna. Mikið er það nú gott.

Selma

Posted by Selma at 09:41 PM | Comments (1)

May 27, 2005

Vinsæll

Tónlistarkennarinn, þ.e. gítarkennarinn ekki Ian, hringdi í hádeginu og spurði hvort Sigurgeir gæti spilað á skólaslitunum. Ekki málið sagði ég og mætti með hann á æfinu áðan til gítarkennarans því Ian verður ekki á landinu. Gleymdi videóinu :-( því Sigurgeir er stundum einum of, vildi spila alla bókina fyrir hann og svo var það stóra spurningin hvaða lag ætti eiginlega að velja. Það varð úr að þeir ælta að spila Sailing saman, gítar og klarinett. Það var auðvitað bara flott hjá þeim.

Annars er ég að fara norður, strákarnir verða bara heima.....

Selma

Posted by Selma at 02:09 PM | Comments (0)

May 26, 2005

Takk takk

Takk takk takk fyrir að kíkja á heimasíðuna og skrifa í gestabókina, ég er ekkert smá glöð yfir því, virkilega gaman.

Nú finnst mér ég bara ekkert hafa að gera, búin að koma heimasíðunni í loftið, sem sagt svolítill tími sem fór í það og þá verð ég að finna mér eitthvað annað til dundurs. Ég gæti svo sem lagað til, fært kassa út í bílskúr og sótt aðra í staðinn en ég barasta nenni því ekki, að laga til er ekki mín sterkasta hlið, hvar fann það eiginlega upp að konur sæu um húsverkin. Dísús hvað það er leiðinlegt.

Nú ég fór bara að kenna á kvöldin í staðin fyrir að sitja í tölvunni, er ekki sama hvar maður situr, fæ þó borgað fyrir það! Fer uppí Grímsnes til hennar Helgu vinkonu minnar og þar náði ég heilum tveim, mjög gaman. Svo er ég að fara noðrur um helgina, aldrei þessu vant að kenna. Vonandi nást þá 3 í próf næsta miðvikudaginn.

Annars er nú lítið að frétta, skítakuldi svo maður "nennir" ekki einu sinni út, ég dauðvorkenni sauðfjárbændum að "þurfa" að fara út. Ég keypti reyndar nokkur blóm í fyrradag og setti niður, þau frjósa þá bara í hel ef þetta fer ekki að skána eitthvað í júní. Maður vonar það nú.

Það eru endalausir vordagar hjá Sigurgeiri í skólanum, fínt að fá svona pössun fyrir hann fyrir hádegi. Það er frí á mánudaginn, svo eru 3 vordagar og svo skólaslit, æðislegt þá þarf ég ekki lengur að draga hann framúr kl. 7 á morgnana, hann er frekar þungur svona á virkum dögum, það háir honum ekki um helgar því þá vaknar hann fyrir allar aldir auðvitað. Bjartmar sér reyndar alveg um að vekja alla frekar snemma, en koma tímar koma ráð!

Svo er það tannlæknirinn, fórum til tannlæknis um daginn til að athuga hvort væri nokkuð skemmt þ.e. hjá Sigurgeiri, jújú 4 skemmdir á milli tanna og ég fékk alveg taugaáfall, það bara gat ekki staðist að það væri skemmt í barninu, ég þurfti ekki að fara til tannlæknis fyrr en ég var 11 og þá öskraði ég allan tímann...... en það var nú ekki það eina sem við fengum að vita því þar sem Sigurgeir er með skakkt bit eigum við að panta tíma hjá sérfræðingi og fara til hans og fá úr því skorið hvort það lagist eða........ jamm og jæja, alltaf í boltanum.

Selma

Posted by Selma at 10:02 AM | Comments (2)

May 24, 2005

Loksins selma.is í loftið

Loksins, loksins, loksins fáið þið að sjá afrakstur okkar Hörpu E. Við eða hún, réttara sagt, byrjaði á þessu í fyrra og þetta er búið að ganga svona ups and downs, vantað texta eða myndir frá mér í tíma og ótíma, en hún setti allt upp nema um ökukennsluna sem ég gerði í lokaverkefni mínu í fjarnáminu í Iðnskólanum í vefsíðugerð eftir jólin og ég gerði einnig linkinn á Hlökk frá Hólum en forvann það reyndar líka í fjarnáminu. Ég ætla ekki að segja ykkur hvað þetta er mikil vinna en búið að vera mjög skemmtilegt og lærdómsríkt.
Ég keypti selma.is auðvitað svo þið getið ALLTAF munað þetta, endilega skrifið í gestabókina svo ég viti hverjir eru að lesa síðuna og mikið væri gaman að vita hvernig ykkur líst á og/eða ef eitthvað mætti betur fara þá segja mér frá því.

Hérna eru verkefnin mín í Iðnskólanum ef þið viljið kíkja á þau því ég er ekki búin að koma þeim fyrir á síðunni. Á eftir að finna pláss. Ég fékk auðvitað 10 fyrir þau.


Góða skemmtun og bestu kveðjur
Selma

23.05.2005 21:56

Maí 2005

mánudagur, maí 23, 2005

Brúnaþung

Mín varð frekar brúnaþung á endurkomu slysó í dag þegar læknirinn var búinn að pota í allan ökklann á Sigurgeiri við mikið æ og ó og sagði að það væri best að hann færi í göngugips til 10. júní. Það eiginlega kom snúður á mína og hér með hætti ég algjörlega að lofa einhverju eftir sjúkrahúsheimsóknir. Lækninum fannst þetta sem sagt ekki líta nógu vel út til að sleppa alveg við gips og lét setja göngugips á hann og það verður til 10. júní. Ég vara ykkur við trambólínum.........

Selma

þriðjudagur, maí 17, 2005

Á slysó

Það vildi nú ekki betur til á heimleiðinni í gær en við lentum á slysó, þannig að við vorum ekki komin heim fyrr en um miðnætti. Ekkert alvarlegt en við ákváðum að koma við í Borgarnesi á leiðinni heim í gær og þar var þetta forláta trambólín komið upp og auðvitað þurfti að prófa það. Ekki ég heldur Sigurgeir og það vildi ekki betur til en hann sneri á sér fótinn svo hann varð stokkbólginn á augabragði, ég ákvað að fara á slysó fyrst ég var að fara að gegnum Reykjavík og þar var hann myndaður en ekki brotinn. Læknirinn hins vegar fannst betra að setja hann í spelkugips í viku, þar sem þetta var við vaxtarbeinið eða eitthvað. Þannig að heim komum við með fótinn gipsaðan upp að hné og ætluðum að fara að fá hækju en þær kosta nú bara 1.900 kr. stk. af barnahækju svo ég bíð með það þar til í dag að skoða það.

Annars var helgin meiriháttar, við S-in fórum í Miðhús á föstudaginn og vorum þar í "vinnu" alla helgina og gerðum meira segja heilmikið gagn. Sigurgeir fór svo í afmæli til Halldórs vinar síns í gær og það var heilmikið fjör, ég fór að kenna á meðan svo ég hefði uppí ferðina...... og fór svo í kaffi til Jobbu og hitti margt gott fólk þar :-)

B-in héldu áfram uppteknum hætti og smíðuðu hér alla helgina. Á eftir að fara og taka það út.

SElma

þriðjudagur, maí 10, 2005

Mira og ég


Svo má ekki gleyma að senda mynd af okkur Miru, hún er sem sagt litla krúsidúllan á heimilinu, þ.e. í Þýskalandi, ekki hér ég hefði sennilega tekið eftir því :-). Hún er fædd 20. ágúst 2004 en átti að fæðast ca 20 sept. 2004. Aðeins að flýta sér.  Posted by Hello

Hildur fædd


Auðvitað gat Hlökk ekki beðið með að kasta og Höddi hringdi á sunnudagsmorgunn til að láta mig vita og ég bara í Þýskalandi. En myndir komu strax svo ég gat séð það alla leið til Þýskalands. Frábær tækni þetta. Er þetta ekki bara fallegt folald sem hann Tryggvi á. Hann heppinn !!! Posted by Hello

mánudagur, maí 09, 2005

Fljótt að líða

Þessi helgi var eitthvað svo fljót að líða enda byrjaði hún á því að sá sem kom að ná í mig á flugvöllin þ.e. maðurinn hennar Önju, hann á Porsch, spurði mig hvort hann mætti ekki keyra hratt heim, ég hélt það nú og hann spurði í 300 já já sagði ég bara og hélt hann væri að djóka, hann sagði þá já þú segir mér bara þegar þér finnst ég vera farinn að fara of hratt. Hann var kominn í 280 þegar ég spurði hann hvort hann gæti ekki farið aðeins hægar. jú jú ekkert mál og keyrði svo á ca 200-250 það sem eftir var, enda vorum við bara 1/2 tíma heim frá flugvellinum. Málið var að þegar hann var kominn niður í 200 fannst mér það ekkert hratt af því allir hinir voru á þeim hraða og maður fann ekki svo mikið fyrir hraðanum í þessum bíl en dísús 280 var orðið svolítið mikið fyrir minn smekk.

En það var meiriháttar gaman úti og mikið borðað, mikið talað og meira segja farið á hestbak og það hef ég bara ekki gert síðan í kvennareiðinni miklu sl. sumar.

Gott samt að komast heim og strákarnir ekkert smá duglegir um helgina. Þeir hafa bara unnið allir sem einn og heilu timurveggirnir risið hér um allt.

Selma

fimmtudagur, maí 05, 2005

Þýskaland á morgun

Enginn tími til að blogga þessa dagana og heldur ekki um helgina því ÉG er að fara til Þýskalands í fyrramálið. Strákarnir verða bara allir heima fyrir utan að Sigurgeir fer auðvitað í skólann.

Ég held það sé svona 25 stiga hiti úti, ekki alveg fyrir mig en hlakka rosalega til að hitta fólkið og sjá litlu krúsidúlluna sem fæddist í ágúst í fyrra.

Vona að Hlökk mín taki ekki uppá því að kasta þessa helgina, bíði þar til um næstu því þá er stefnan að komast í sauðburðinn í Miðhúsum, ekki má maður nú missa af neinu.

Og svo eru það garðverkin alla daga, það var mokað mold hingað og þangað í dag, ýmist út úr garðinum eða inn í hann og það sáu feðgarnir alveg um í dag, aðallega Beggi, Sigurgeir sá um ormana og Bjartmar þetta hefðbundna í öllu.
  • 1
Flettingar í dag: 56
Gestir í dag: 3
Flettingar í gær: 48
Gestir í gær: 21
Samtals flettingar: 626654
Samtals gestir: 96310
Tölur uppfærðar: 17.12.2017 00:33:19

Tenglar